AIIMS Raipur: मोबाइलने करोना संसर्गाचा जास्त धोका, हॉस्पिटलमध्ये वापरावर बंदी हवीयः डॉक्टर – dirty mobile phones can spread coronavirus, suggests article by doctors of aiims raipur

by

[ad_1]

देशातील करोना संसर्ग वाढत असल्याने अखिल भारतीय आयुर्विज्ञान संस्था (एम्स), रायपूरच्या डॉक्टरांच्या म्हणन्यानुसार, हॉस्पिटलममध्ये मोबाइल फोनचा वापर करण्यावर बंदी आणायला हवी. कारण मोबाइल सारखे उपकरणामुळे करोना व्हायरस जास्त पसरू शकतो. मोबाइलमुळे रुग्णांची सेवा करणाऱ्या आरोग्य कर्मचाऱ्यांचे आरोग्य धोक्यात येऊ शकते. बीएमजे ग्लोबल हेल्थ जर्नल मध्ये प्रकाशित झालेल्या एका लेखात एम्सच्या डॉक्टरांनी सांगितले की, मोबाइल फोन मुळे करोनाचा संसर्ग लवकर होण्याची शक्यता आहे, कारण मोबाइल थेट चेहरा किंवा तोंडाजवळ संपर्कात येतो. तुम्ही हात स्वस्छ धुतले तरी मोबाइल कानाला लावावा लागतो. त्यावर करोनाचे जंतू असण्याची शक्यता नाकारता येत नाही. हॉस्पिटल असो की कार्यालय आज प्रत्येकाच्या हातात स्मार्टफोन आहे. या स्मार्टफोनचा वापर चांगल्या कामासाठी होत असला तरी त्यातून करोनाचा संसर्ग होण्याची भीती नाकारता येत नाही….

​१५ मिनिट ते २ तास मोबाइलचा वापर

maharashtra times

करोना रुग्णांवर उपचार करणारे काही आरोग्य कर्मचारी १५ मिनिट ते २ तास मोबाइलचा वापर करीत असल्याचे निदर्शनास आले आहे. जागतिक आरोग्य संघटना आणि सेंटर फॉर डिसिज कंट्रोल अँड प्रीवेन्शन (सीडीसी) यासारख्या विविध आरोग्य संघटनेने काही महत्त्वपूर्ण दिशा निर्देश जारी केले आहेत. ज्यात करोनाला रोखण्यासाठी आणि त्याच्यावर निंयत्रण मिळवण्यासाठी काही उपाय सुचवले आहेत. जर्नलमध्ये प्रकाशित झालेल्या या लेखात म्हटले की, जारी केलेल्या दिशा निर्देशात मोबाइल फोनचा काही उल्लेख करण्यात आला नाही.

​मोबाइलमुळे संसर्गाचा धोका अधिक

maharashtra times

यात म्हटले की, फोनचा वापर हा अन्य कर्मचाऱ्यांच्या संपर्कासाठी, संवाद साधण्यासाठी आरोग्य दिशा निर्देश, औषधे, संकट, टेलिमेडिसिन आणि रुग्णांवर नजर ठेवण्यासाठी केला जातो. हा लेख डॉ. विनीत कुमार पाठक, डॉ. सुनील कुमार पाणीग्रही, डॉ. एम मोहन कुमार, डॉ. उत्सव राज आणि डॉ. करपागा प्रीया पी यांनी लिहिला आहे. या लेखांच्या माहितीनुसार, चेहरा, नाक, डोळ्याच्या संपर्कात येणारी वस्तू म्हणजे मोबाइल आहे. मास्क, कॅप आणि चष्मा यानंतर चेहऱ्या जवळ जाणारी वस्तू फोन आहे. अन्य तीन वस्तूंप्रमाणे मोबाइल धुतला जाऊ शकत नाही. मोबाइल फोन वापरत असल्याने तुम्ही कितीवेळा हात धुता याला महत्त्व राहत नाही.

​१० टक्के लोक मोबाइल स्वच्छ ठेवतात

maharashtra times

हा लेख २२ एप्रिल रोजी प्रकाशीत झालेला आहे. यात म्हटले की, हॉस्पिटलमध्ये मोबाइल फोन स्वच्छ ठेवण्यासोबतच फोनचा वापर कमी करावा अशी मागणी होत आहे. भारतातील एका अभ्यासानुसार, मोठ्या हॉस्पिटलमधील १०० टक्के आरोग्य कर्मचारी स्मार्टफोनचा वापर करतात. परंतु, यातील केवळ १० टक्के कर्मचारी फोन स्वच्छ ठेवतात. डॉ. पाठक यांनी सांगितले की, करोना व्हायरसपासून बचाव करायचा असेल तर सर्वात आधी आपण आपल्या हातातील फोनकडे लक्ष देणे गरजेचे आहे. त्यामुळे आपला फोन किती स्वच्छ आहे. हे पाहणे महत्त्वाचे आहे.

​सर्वात जास्त स्पर्श होणाऱ्या सातपैकी एक

maharashtra times

करोना संकटाचा सामना करताना स्वच्छता ही खूप महत्त्वाची आहे. सर्वात मोठ्या कंपन्यांनी आपल्या ग्राहकांना काही सूचना केल्या आहेत. ज्यात म्हटले की, ७० टक्के आयसोप्रोपिल अल्कोहल किंवा क्लोरोक्स वाइप्सचा वापर करण्यासाठी मोबाइल स्विच ऑफ करून बाहेरचा भाग स्वच्छ करा. मोबाइल फोन, काउंटर, टेबलच्या वरचा भाग, दरवाजाची कडी, शौचालयाचे नळ, की-बोर्ड, टेबलेट्स या वस्तू सर्वात जास्त स्पर्श होणाऱ्या सात जागा आहेत. आयसीयू आणि ऑपरेशन थिएटर यासारख्या जागी मोबाइल फोनचा वापर करण्यास बंदी घालण्यात आली असून यापासून बचाव करण्यासाठी हेडफोनचा वार करण्याचा सल्ला दिला आहे.

[ad_2]

Source link

3 thoughts on “AIIMS Raipur: मोबाइलने करोना संसर्गाचा जास्त धोका, हॉस्पिटलमध्ये वापरावर बंदी हवीयः डॉक्टर – dirty mobile phones can spread coronavirus, suggests article by doctors of aiims raipur”

Leave a comment