redmi note 9 pro max: ‘रेडमी नोट ९ प्रो मॅक्स’चा आज भारतात पहिला सेल – redmi note 9 pro max to go on sale for the first time in india today via mi.com, amazon

नवी दिल्लीः शाओमीचा स्मार्टफोन रेडमी नोट ९ प्रो मॅक्सचा आज भारतात पहिला सेल होणार आहे. शाओमीचे चाहते या फोनची खूप दिवसांपासून वाट पाहत होते. परंतु, भारतात लॉकडाऊन सुरु असल्याने कंपनीने हा सेल पुढे ढकलला होता. परंतु, केंद्र सरकारने ई-कॉमर्स कंपन्यांना काही ठिकाणी सूट दिली आहे. त्यामुळे भारतात आता हा सेल आयोजित करण्यात आला आहे. ऑरेंज आणि ग्रीन झोनमध्ये येणाऱ्या प्रत्येक शहरात या फोनची विक्री करण्यात येणार आहे. आज दुपारी १२ वाजता अॅमेझॉन आणि mi.com वर हा सेल सुरू होणार आहे.

वाचाः करोनाविरोधात जग ‘या’ टेक्नोलॉजीचा वापर करतेय

redmi note 9 pro max ची किंमत

रेडमीच्या या फोनला ऑरोरा ब्लू, व्हाईट आणि इंटरस्टेलर ब्लॅक कलर या तीन रंगात उपलब्ध करण्यात येणार आहे. रेडमीच्या ६ जीबी रॅम प्लस ६४ जीबी स्टोरेजच्या फोनची किंमत १४ हजार ९९९ रुपये, ६ जीबी रॅम प्लस १२८ जीबी स्टोरेजच्या फोनची किंमत १६ हजार ९९९ रुपये, ८ जीबी रॅम प्लस १२८ जीबी स्टोरेजच्या फोनची किंमत १८ हजार ९९९ रुपये किंमत आहे.

redmi note 9 pro max ची वैशिष्ट्ये

या फोनमध्ये ६.६७ इंचाचा डिस्प्ले दिला आहे. शाओमीने आतापर्यंत दिलेला ही सर्वात मोठा डिस्प्ले आहे. या स्मार्टफोनमध्ये ३.५ एमएम हेडफोन जॅक, इन्फ्रारेड अमिटर सह साइड माउंटेड फिंगरप्रिंट सेन्सर फीचर्स दिले आहे. फिंगरप्रिंट सेन्सरचे बटनमध्ये इंटिग्रेट करण्यात आले आहे. या फोनच्या फ्रंटला व बॅकला कॉर्निंग गोरिला ग्लास ५ दिला आहे. या फोनमध्ये स्नॅपड्रॅगन ७०० सीरिजसह दिला आहे. तसेच यात क्वॉलकॉम स्नॅपड्रॅगन ७२० जी प्रोसेसर दिला आहे. ६ जीबी रॅम प्लस ६४ जीबी स्टोरेज, ६ जीबी रॅम प्लस १२८ जीबी स्टोरेज आणि ८ जीबी रॅम प्लस १२८ जीबी स्टोरेज अशा तीन प्रकारात हा स्मार्टफोन लाँच करण्यात आला आहे.

या फोनमध्ये ६४ मेगापिक्सलचा प्रायमरी कॅमेरा दिला आहे. फोनमध्ये ८ मोगापिक्सलचा अल्ट्रा वाइड अँगल, ५ मेगापिक्सलचा मायक्रो आणि २ मेगापिक्सलचा डेप्थ सेन्सर लेन्स दिले आहेत. कॅमेऱ्यात रॉ फोटोग्राफी, नाइट मोड, प्रो कलर, पोट्रेट यासारखे फीचर्स दिले आहेत. सेल्फीसाठी ३२ मेगापिक्सलचा कॅमेरा दिला आहे. फोनमध्ये ५०२० एमएएच क्षमतेची बॅटरी दिली आहे. रेडमी फोनमध्ये आतापर्यंत देण्यात आलेली सर्वात मोठी क्षमता असलेली बॅटरी आहे. २० दिवसापेक्षा अधिक बॅटरी स्टँडबाय टाइम करते. २१० तास म्युझिक, २६ तास व्हिडिओ प्लेबॅक करते, असा कंपनीचा दावा आहे. फोनमध्ये ३३ वॅट फास्ट चार्जिंग सपोर्ट दिला आहे. या फोनची बॅटरी केवळ ३० मिनिटात ५० टक्के चार्ज होते.

वाचाःलॉकडाऊनः जिओचा नवा ‘वर्क फ्रॉम होम’ प्लान लाँच

वाचाः लॉकडाऊनमध्ये गुगलवर सर्वाधिक सर्च काय केले?

वाचाः ‘रेडमी नोट ९ प्रो’च्या जाहीरातीत अणूबॉम्ब; शाओमीची माफी