पाथरी रानभाजी माहिती व रेसिपी |Pathari ranbhaji recipe in marathi
शास्त्रीय नाव – Launea procumbens
उपयुक्त भाग – पाने
कुळ – अॅस्टरोएसी
कालावधी –वर्षभर (फुले : नोव्हेंबर – डिसेंबर)
पाककला –
पातुर ची भाजी
साहित्य- पाथरीची चिरलेली भाजी, ताक, मीठ, हिरवी मिरची, लाल मिरची, साखर, चणाडाळ, शेंगदाणे, बेसन, तेल, मेथी, मोहरी, हिंग, हळद, जिरे इ.
कृती –
> पाथरीची चिरलेली भाजी उकडून घ्यावी व पाणी टाकून द्यावे.
> डाळ, दाणे, भिजवून तासाभराने दाणे, डाळ वेगवेगळे शिजवावे.
> पाथरीची भाजी शिजवून घ्यावी. तेव्हाच मीठ, साखर, बेसन व ताक घालुन एकजीव करावे.
> डाळ, दाणे घालावे. फोडणीत दोन्ही मिरच्या व इतर साहित्य घालुन त्यात एकजीव केलेली भाजी
ओतावी व ढवळत राहून उकळावे.
> ताकाऐवजी चिंचेचा कोळ व गुळ घालुनही भाजी करता येईल.