google i/o 2020 : करोनाः फेसबुकनंतर गुगल इव्हेंट २०२० रद्द – google i/o 2020 developer conference cancelled amid coronavirus concerns

नवी दिल्लीः करोना व्हायरसची जगभर भीती पसरली आहे. जग प्रसिद्ध टेक कंपनी गुगलला करोना व्हायरसचा जोरदार फटका बसला आहे. गुगलला आपला सर्वात मोठा कार्यक्रम I/O Event 2020 रद्द करावा लागला आहे. गुगलच्या या कार्यक्रमाचे मार्च महिन्यात आयोजन करण्यात आले होते. या कार्यक्रमात जगभरातील लाखो इंजिनिअर्स, डेव्हलपर्स सहभागी होणार होते. याआधी करोनाच्या भीतीमुळे मोबाइल वर्ल्ड काँग्रेस आणि फेसबुक एफ८ काँन्फ्रेन्स यासारखे मोठे कार्यक्रम रद्द करावे लागले आहे. तर करोना व्हायरसमुळे आतापर्यंत ३ हजारांहून अधिक जणांचा मृत्यू तर ८९ हजारांहून अधिक जणांना लागण झाली आहे.

गूगल I/O Event 2020 रद्द

करोना व्हायरसच्या भीतीमुळे गुगलने हा कार्यक्रम रद्द केला आहे. लोकांच्या सुरक्षेसाठी हा कार्यक्रम रद्द करण्यात आल्याचे गुगलने स्पष्ट केले आहे. हा कार्यक्रम रद्द करावा लागल्याने आम्हाला निश्चित दुःख झाले आहे, असेही गुगलने म्हटले आहे.

GDC 2020 कार्यक्रमही रद्द

जीडीसी २०२० इव्हेंट करोना व्हायरसमुळे रद्द करण्यात आला होता. या कार्यक्रमात जगभरातील दिग्गज गेमिंग कंपन्या सहभागी होणार होती. तसेच अनेक नवीन गेम ग्लोबल लेवलवर लाँच करण्यात येणार होते. व्हायरसला रोखण्यासाठी हा कार्यक्रम रद्द करावा लागल्याचे आयोजकांनी सांगितले.

Facebook F8 Conference रद्द

करोना व्हायरसचा सर्वात मोठा झटका टेक्नोलॉजी शो मोबाइल वर्ल्ड काँग्रेस २०२० बसला आहे. यानंतर टेक्नोलॉजीतील एक-एक कार्यक्रम रद्द करावे लागत आहेत. फेसबुकचा वार्षिक कार्यक्रम काँफ्रेन्स एफ८ रद्द करावा लागला. मागच्या वर्षी झालेल्या या कार्यक्रमात ५ हजार लोक सहभागी झाले होते. ५ व ६ मे रोजी कॅलिफॉर्नियात हा कार्यक्रम पार पडला होता.

मोबाइल वर्ल्ड कांग्रेस 2020 रद्द

सर्वात आधी मोबाइल वर्ल्ड काँग्रेस करोना व्हायरसमुळे रद्द करण्यात आला होता. बार्सिलोनात करोना पसरवू नये यासाठी आम्ही हा निर्णय घेतला आहे, असे आयोजकांनी सांगितले.

iQoo 3 स्मार्टफोनचा आज पहिला सेल, पाहा किंमत

फोटोः ३१ मार्चनंतर BS4 गाड्यांचं काय होणार?

करोनाचा कहरः रियलमी व शाओमीची लाँचिंग रद्द

BSNLची ऑफर; दररोज मिळणार 5GB डेटा