Flipkart : करोनाः Flipkart ने बंद केली सेवा, युजर्ससाठी दिला मेसेज – e-commerce website flipkart temporarily suspends its services due to coronavirus outbreak

[ad_1]

नवी दिल्लीः करोना व्हायरसमुळे जगभरातील उद्योग क्षेत्राला जबर फटका बसला आहे. ऑटो क्षेत्रापासून ते मोबाइल क्षेत्रांना याचा फटका बसला आहे. करोना व्हायरसमुळे ई-कॉमर्स साइट फ्लिपकार्टने एक मोठा निर्णय घेतला आहे. फ्लिपकार्टने आपली सेवा पुढील सूचना मिळेपर्यंत बंद केली आहे. फ्लिपकार्टच्या साइटवर एक मेसेज येत आहे. ज्यावर लिहिलेय की, आम्ही आमची सेवा तात्पुरती बंद केली आहे. कारण, आमचा प्रयत्न आहे, आम्ही लवकरच परत येवू. फ्लिपकार्टने लिहिलेय, सध्याची परिस्थिती खूप कठीण आहे. याआधी असे कधीच घडले नाही. आमची तुम्हाला विनंती आहे, की तुम्हीही तुमच्या घरात सुरक्षित राहा. आम्ही लवरकच परत येवू.

पंतप्रधान नरेंद्र मोदी यांनी मंगळवारी करोना व्हायरसपासून देशाला वाचविण्यासाठी पुढच्या २१ दिवसांसाठी ‘भारत लॉकडाऊन’ची घोषणा केलीय. काल मंगळवारीच्या मध्यरात्रीपासून या लॉकडाऊनची अंमलबजावणी सुरू झाली आहे. या दरम्यान, पुढचे २१ दिवस कोणत्या सेवा सुरू राहणार आहेत. करोना व्हायरसमुळे देशभरातील अनेक शहरात लॉकडाउन करण्यात आले आहे. त्यामुळे कंपन्यांतील असंख्य कर्मचाऱ्यांना आता वर्क फ्रॉम होम करावे लागत आहे. करोना व्हायरसचा फटका जवळपास सर्वच क्षेत्रांना बसला आहे. जगभरातील ऑटो क्षेत्रासह भारतातील ऑटो क्षेत्रालाही फटका बसला आहे. भारतातील सर्वात मोठी वाहन निर्माता कंपनी Maruti Suzuki India (मारुति सुझुकी इंडिया) आणि Mahindra & Mahindra (महिंद्रा अँड महिंद्रा), Kia Motors India (किआ मोटर्स इंडिया), Mercedes-Benz (मर्सिडीज-बेंज), Fiat Chrysler Automobiles (FCA) (फिएट क्रिसलर ऑटोमोबाइल्स) सह Hyundai Motor (ह्युंदाई मोटर) ने करोना व्हायरसमुळे आपले उत्पादन बंद करण्याची घोषणा केली आहे.