[ad_1]
गुढीपाडव्याचा उत्साह यंदा रस्त्यांवर दिसणार नसल्यानं पाडव्यासाठी ऑनलाइनविश्व सज्ज झालं आहे. संचारबंदीमुळे सारं काही बंद करण्यात आल्यामुळे शोभायात्रा नसतील. मित्र-मैत्रिणींच्या, नातेवाईकांच्या गाठीभेटी होणार नाहीत. लोकांनीही प्रत्यक्ष भेटीगाठींपेक्षा ऑनलाइन भेटीगाठींवरच भर दिला आहे. गुढीपाडवा ऑनलाइन कसा साजरा करायचा अशी चर्चा तरुणांमध्ये रंगली आहे.
शोभायात्रेच्या वेळी अनेकांनी गुगल ड्युओ किंवा व्हॉट्सअॅप ग्रुप कॉलिंग अशा माध्यमातून एकत्र यायचा प्लॅन केला आहे. तर अनेकांनी सोशल मीडियावर व्हायरल करायचे संदेश तयार करून ठेवलेत. यात काही टिकटॉक व्हिडीओंचाही समावेश आहे. यात यंदा गुढी उभारण्यासाठी आवश्यक साहित्य उपलब्ध होत नसल्यानं नेमकं कशा पद्धतीनं तुम्ही घरातल्या उपलब्ध साहित्याचा वापर करून गुढी उभारू शकता याचे संदेश दोन दिवस आधीपासून व्हायरल होण्यास सुरुवात झाली होती. याचबरोबर पाडव्याच्या आदल्या दिवसापासून, आमची गुढीची तयारी याबाबतचे व्हिडीओ तसंच फोटो शेअर होण्यास सुरुवात झाली आहे. गुढीपाडव्याच्या दिवशी ‘सेल्फी विथ गुढी’ असं चॅलेंज देण्यात आलं आहे. यामुळे यंदा इकोफ्रेंडली गुढीचे जास्तीत जास्त फोटो आपल्याला समाजमाध्यमांतून व्हायरल होताना दिसणार आहे. बाहेरच्या नाक्याऐवजी सोशल मीडियावर नाका जमणार आहे. यासाठी गुगल ड्युओ, व्हॉट्सअॅप ग्रुप कॉलचा वापर करून एकमेकांशी संपर्क साधणार आहे.
करोनाचा प्रादुर्भाव कमी व्हावा या उद्देशानं संचारबंदी लागू करण्यात आली आहे. या निर्णयाला साथ देण्यासाठी आम्ही तरुणांनी तंत्रज्ञानाचा वापर करून गुढीपाडवा साजरा करण्याचा निर्णय घेतल्याचं आयटी कंपनीत काम करणारा संजय चव्हाण सांगतो. तर यावर्षी गुढीपाडवा साजरा करण्याची काहीतरी नवी क्लृप्ती समोर येईल, असंही तो सांगतो. मित्रांशी संवाद साधणं आणि त्यांना शुभेच्छा देण्यासाठी आम्ही व्हिडीओ कॉलिंगचा वापर करणार असल्याचं अजय देवनं सांगितलं. तसंच शुभेच्छा देण्यासाठी आम्ही विविध ई-पोस्टर्सही तयार केले आहेत. करोनावर मात करून निरोगी आयुष्याची गुढी यंदा ऑनलाइल उभारली जाईल, असंही अजय म्हणाला.
WhatsApp वर सर्च करा आता फोटो, व्हिडिओ
रेडमी K20 सीरीजच्या ५० लाख फोनची विक्री
[ad_2]
Source link