fake alert : Fake Alert: पीएम मोदींची इंटरनेट सेवा बंदची घोषणा नाही, हा स्क्रीनशॉट खोटा आहे – fake alert: photoshoped bulletin circulated to claim pm modi ordered nternet shutdow

दावा


सोशल मीडियावर एक न्यूज चॅनेलची ब्रेकिंगचा एक स्क्रीनशॉट मोठ्या प्रमाणात शेअर केला जात आहे. ज्यात एका बाजुला पंतप्रधान नरेंद्र मोदी यांचा फोटो आहे तर दुसऱ्या बाजुला देशात इंटरनेट सेवा बंदची माहिती आहे. या स्क्रीनशॉटच्या खाली ब्रेकिंग प्लेटवर लिहिलेय की, अफवामुळे देशातील इंटरनेट सेवा बंद करण्याची घोषणा करण्यात आली आहे.

बुलेटिनच्या या स्क्रीनशॉटवर एबीपी न्यूजचा लोगो दिसत आहे.


खरं काय आहे?

पंतप्रधान नरेंद्र मोदी यांनी देशातील इंटरनेट सेवा बंद करण्याची घोषणा केली नाही.

एबीपी न्यूजच्या बुलेटिन दरम्यान चालवली जाणारी ब्रेकिंग प्लेटवर वेगळा मजकूर जोडण्यात आला आहे.


कशी केली पडताळणी ?


या फोटोच्या वर एबीपी न्यूजचा लोगो आहे. त्यामुळे आम्ही सर्व चॅनेलचे अधिकृत ट्विटर हँडलवर जावून खरी माहिती जाणून घेतली. खरंच, अशी कोणी ब्रेकिंग न्यूज चालवली आहे का? नाही.

या ठिकाणी आम्हाला चॅनेलकडून जारी करण्यात आलेले स्पष्टीकरण मिळाले. ज्यात याच स्क्रीनशॉटला खोटे असल्याचे सांगितले आहे. जो आता मोठ्या प्रमाणात शेअर केला जात आहे.

चॅनेलने या ट्विटमध्ये लिहिलेय, सोशल मीडियावर एबीपी न्यूज च्या नावाने एक फोटो व्हायरल होत आहे. ज्यावर लिहिलेय की, आज रात्री १२ वाजेपासून इंटरनेट सेवा बंद होणार आहे. हा फोटो फोटोशॉपने बनवलेला आहे. एबीपी न्यूजने अशी कोणतीही बातमी दाखवली नाही. तुम्हीही या अफवेपासून सावध राहा.

निष्कर्ष


देशात इंटरनेट सेवा बंद करण्याची कोणतीही घोषणा करण्यात आलेली नाही. चॅनेलच्या बुलेटिनचा स्क्रीनशॉट दाखवण्यात येत आहे, तो खोटा आहे, असे मटा फॅक्ट चेकच्या पडताळणीत स्पष्ट झाले आहे.