अॅमेझॉन-फ्लिपकार्टवर आजपासून स्मार्टफोनची विक्री सुरू

नवी दिल्लीः अॅमेझॉन आणि फ्लिपकार्ट यासारख्या ई-कॉमर्स कंपन्यांना आवश्यक उत्पादनाची डिलिव्हरी करण्याची परवानगी देण्यात आली आहे. देशातील काही शहरात आजपासून ही सेवा सुरू करण्यात आली आहे. यात एक अट घातली आहे. ती म्हणजे देशातील ग्रीन आणि ऑरेंज झोनमध्ये या कंपन्यांना आपली सुविधा देता येणार आहे. रेड झोनमध्ये ही सुविधा अद्याप देण्यात येणार नाही.

वाचाः जिओचा सर्वात स्वस्त प्लान, ३.५ रुपयात १ जीबी डेटा

रेड, ग्रीन आणि ऑरेंज झोन काय आहे ?

सरकारने करोना व्हायरसला रोखण्यासाठी देशातील जिल्ह्यांची तीन विभागात विभागणी केली आहे. रेड, ऑरेंज आणि ग्रीन अशा तीन गटात विभागले आहे. ज्या जिल्ह्यात करोना रुग्णांची संख्या जास्त आहे. ते जिल्हे रेड झोनमध्ये ठेवण्यात आले आहेत. ज्या ठिकाणी १४ दिवसांहून अधिक दिवस करोनाचा संसयीत रुग्ण आढळला नाही. ते जिल्हे ऑरेंज झोनमध्ये ठेवण्यात आले. तसेच गेल्या २१ दिवसांपासून कोणताही संसर्ग झालेली व्यक्ती आढळली नाही. अशा जिल्ह्यांना ग्रीन झोनमध्ये ठेवण्यात आले आहे.

वाचाः स्मार्टफोनवरचा मालवेअर्सचा धोका ‘असा’ टाळू शकता

सरकारची नवी गाइडलाईन
भारत सरकारच्या नवीन गाइडलाईननुसार, ई-कॉमर्स साइटवर आजपासून डिलिव्हरी सुरू करण्यात आली. ग्रीन आणि ऑरेंज झोन क्षेत्रात सकाळी ७ वाजेपासून सायंकाळी ७ वाजेपर्यंत विक्री संबंधित काम केले जाणार आहेत.

रेड झोनला परवानगी नाही
नव्या गाइडलाईननुसार, रेड झोनमधील क्षेत्रात ही परवानगी देण्यात आली नाही. या क्षेत्रातील लोकांना केवळ आवश्यक वस्तूंचा पुरवठा केला जाणार आहे.

रेड झोनमध्ये या शहरांचा समावेश
रेड झोनमध्ये मुंबई, दिल्ली, कोलकाता, हैदराबाद, बेंगळुरू आणि अहमदाबाद या प्रमुख शहरांचा समावेश आहे.

ऑफलाइन स्टोर उघडणार
ग्रीन आणि ऑरेंज झोनमधील काही रिटेल स्टोर उघडण्यात येणार आहेत. यात स्मार्टफोनच्या स्टोरचा समावेश आहे.

वाचाः स्मार्टफोन चार्जिंग करताना ‘ही’ काळजी घ्या

स्मार्टफोन-लॅपटॉप खरेदी करू शकणार

आता ४ मे पासून ग्रीन आणि ऑरेंज झोनमधील व्यक्तींना लॅपटॉप, स्मार्टफोन आणि अन्य इलेक्ट्रॉनिक गॅझेट्सची ऑर्डर करता येवू शकणार आहे. पेटीएम मॉलचे वरिष्ठ उपाध्यक्ष श्रीनिवास मोथे यांनी सांगितले की, ग्राहकांना एसी, फ्रीज आणि गरमीमधील दिलासा देणारे कपडे खरेदी करता येवू शकणार आहेत. लोक सध्या वर्क फ्रॉम होम करीत असल्याने लॅपटॉप, मोबाइल फोन, कम्प्यूटर हार्डवेअर आणि लेखन सामुग्री खरेदी करता येवू शकणार आहे.

वाचाः नोकिया 220 4G फीचर फोन लाँच, पाहा किंमत

महाराष्ट्रातील ग्रीन, ऑरेंज झोनमधील जिल्हे

वर्धा – ग्रीन झोन
गडचिरोली – ग्रीन झोन
गोंदिया – ग्रीन झोन
सिंधुदुर्ग – ग्रीन झोन
वाशिम – ग्रीन झोन
उस्मानाबाद – ग्रीन झोन
बीड – ऑरेंज झोन
भंडारा – ऑरेंज झोन
लातूर – ऑरेंज झोन
सांगली – ऑरेंज झोन
परभणी – ऑरेंज झोन
चंदपूर – ऑरेंज झोन
नांदेड – ऑरेंज झोन
जालना – ऑरेंज झोन
रत्नागिरी – ऑरेंज झोन
हिंगोली – ऑरेंज झोन
कोल्हापूर – ऑरेंज झोन
नंदूरबार – ऑरेंज झोन
अमरावती – ऑरेंज झोन
बुलडाना – ऑरेंज झोन
अहमदनगर – ऑरेंज झोन
रायगड – ऑरेंज झोन

वाचाः भारतातील बेस्ट फीचर फोन, दमदार बॅटरी-टॉर्च