[ad_1]
पाहा SBI चे ट्विट
SBIने आपल्या ट्विटमध्ये लिहिलेय की, तुम्हाला ऑनलाइन फसवणूक करणाऱ्या स्कॅमरबद्दल माहिती आहे का ? हे स्कॅमर कॉल करून ग्राहकांना त्यांची खासगी माहिती जमा करून त्यांच्या बँकेतील सर्व रक्कम परस्पर काढून घेतात. तेही केवळ एका अॅपच्या माध्यमातून. परंतु, तुम्हाला घाबरून जाण्याची गरज नाही. तुम्हाला केवळ सावध राहायचे आहे. तुम्ही सावध राहिल्यास स्कॅमर तुमच्या बँक अकाउंटला आणि त्यातील पैशांना काही करू शकत नाही.
युजर्स असे फसवले जातात
लोकांची फसवणूक करण्याची ही खूपच सोपी पद्धत आहे. यात स्कॅमर्स ग्राहकांना फोन करून सांगतात की, आम्ही बँकेतून अधिकारी बोलत आहोत. ग्राहकांना कॉल करून त्यांना एक अॅप डाऊनलोड करायला सांगतात. हे अॅप डाऊनलोड होताच त्यांना ग्राहकांच्या मोबाइल स्क्रीनचा रिमोट अॅक्सेस मिळतो. म्हणजेच स्कॅमर्स कुठेही बसलेले असले तरी त्यांना तुमच्या मोबाइलचा ताबा मिळतो. ते फोनच्या स्क्रीनला पाहू शकतात. तुम्हाला विचारलेल्या प्रश्नांची माहीतीचा वापर करून तुमचे बँक अकाउंट खाली करतात.
हे करू नकाः SBI
१. स्टेट बँक ऑफ इंडियाच्या माहितीनुसार, ग्राहकांनी कोणत्याही कॉल, ईमेल, एसएमएस किंवा वेब लिंकवर आपली खासगी माहिती आजिबात देऊ नये.
२. कोणत्याही कस्टमर केअर नंबरला गुगलवर सर्च करू नये. कस्टमर केअर नंबर हवा असल्यास संबंधित अधिकृत साईटवर संपर्क साधावा.
३. कोणत्याही अॅपला डाऊनलोड करु नये. जे अधिकृत असतील तेच डाऊनलोड करावे.
बचावासाठी हे करा
आर्थिक फसवणूक टाळण्यासाठी ग्राहकांनी या टिप्सचा वापर करावा.
१. एसबीआय बँक संबंधित कोणतीही माहिती जाणून घेण्यासाठी https://bank.sbi/ वर जा.
२. नेहमी एसबीआयच्या अधिकृत अॅप जसे Yono SBI, Yono Lite आणि Bhim SBI Pay हेच अॅप इन्स्टॉल करावे.
३. कोणत्याही मदतीसाठी टोल फ्री क्रमांक नंबर 1800112211 किंवा 18004253800 अथवा 080-26599990 वर संपर्क साधावा.
४. कोणत्याही लिंकवर किंवा अॅपवर आंधळेपणाने क्लिक करू नका.
[ad_2]
Source link