[ad_1]
एरवी कट्ट्यावर भेटून गप्पांचे फड रंगवणाऱ्या पुणेकर तरुणाईची पंचाईत झाली म्हणून अनेकांनी घरबसल्या मित्रांना व्हिडिओ कॉल करून त्यांच्याशी गप्पा मारल्या. या व्हिडिओ कॉल्सचे स्क्रीनशॉट समाजमाध्यमांवर अपलोड करून तरुणाईने मित्रांना भेटण्यापासून ‘करोना’देखील थांबवू शकत नाही, असे दाखवून दिले.
रविवारच्या जनता कर्फ्यूनंतर सोमवारी जमावबंदी झाली आणि दुपारनंतर वाहनांनादेखील बंदी घालण्यात आली आहे. या परिस्थितीत कोणालाच बाहेर पडणे शक्य होणार नाही, हे ओळखून अनेक तरुणांनी मित्रांशी संवाद साधण्यासाठी व्हिडिओ कॉलचा आधार घेतला. व्हॉट्स अॅपवर एकाच वेळी चार जणांशी व्हिडिओ कॉलद्वारे बोलता येत असल्याने चार जण एकमेकांशी संवाद साधत होते. काही वेळानंतर दुसऱ्या मित्रांना कॉल केले जात होते. व्हॉटस अॅपच्या वेगवेगळ्या ग्रुप्सवरही आता चर्चा रंगल्याचे चित्र आहे. एरवी थंड राहणारे ग्रुप्स आता गप्पा, मीम्स आणि इतर करमणुकीच्या मजकुराने पुरेपूर वाहत असल्याचे चित्र आहे.
काही कंपन्यांनी वेगवेगळी अॅप ‘लाँच’ केली असून त्याद्वारे व्हिडिओ कॉलद्वारे एकत्र येऊन ऑनलाइन गेम्स खेळता येणे शक्य आहे. त्यामुळे ज्याप्रमाणे आपण एकत्र पत्ते, ल्युडोसारखे गेम खेळतो; तसेच ते ‘व्हर्च्युअली’देखील खेळता येणार आहेत. त्यासाठी वेगवेगळी अॅप पुढाकार घेत आहेत. याशिवाय नागरिकांनी ऑनलाइन साहित्य वाचनावरही भर दिला असून किंडल, ई-बुक्सचे वाचन मोठ्या प्रमाणावर वाढले असल्याचे चित्र दिसत आहे.
व्हिडिओ कॉल्सची सुविधा उपलब्ध असल्याने मित्रांच्या संपर्कात राहणे सोपे झाले आहे. दररोज भेटणारे काही मित्र व्हॉट्सअप कॉलद्वारे भेटत आहेत. आम्ही तासन्‌तास गप्पा मारत आहोत त्यातून दिवसही चांगला जातोय. बाहेर पडून प्रशासनाची नाराजी ओढवून घेण्यापेक्षा हा पर्याय अत्यंत चांगला आहे.
– ईशान आपटे, तरुण
नागपूरः करोनाची क्लिप व्हायरल, १० जण ताब्यात
लॉकडाऊनमुळे ‘या’ कंपन्यांची फ्रीमध्ये सेवा
[ad_2]
Source link