fake alert : Fake Alert: नागपुरात ५९ जण करोना व्हायरस पॉझिटिव्ह?, ही ऑडिओ क्लिप खोटी आहे – fake alert: viral audio clip saying 59 new coronavirus positive patients in nagpur fake

व्हॉट्सअॅपवर एक ऑडिओ क्लिप मोठ्या प्रमाणात शेअर केली जात आहे. ज्या क्लिपमध्ये दोन व्यक्ती एक दुसऱ्याची चर्चा करीत आहेत. यात एक जण सांगतोय की, नागपुरात करोना व्हायरसचे ५९ जण नवीन पॉझिटिव्ह निघाले.

या ५९ जणांपैकी ३ जण डॉक्टर आहेत, आणि एका डॉक्टरला व्हेंटिलेटरवर ठेवले आहे, असेही ही व्यक्ती बोलत आहे.

टाइम्स फॅक्ट चेकच्या एका वाचकाने ही ऑडिओ क्लिप आमच्या व्हॉट्सअॅप नंबरवर पाठवून यासंबंथीची खरी माहिती जाणून घेण्याची विनंती केली.

खरं काय आहे?

ऑडिओ क्लिपमध्ये बोलत असलेल्या दोन्ही व्यक्तीचे दावे खोटे आहेत.

बुधवार पर्यंत अधिकृत आकडेवारीनुसार, नागपुरात कोविड १९ चे ४ रुग्ण आहेत. महाराष्ट्रात एकूण १२४ रुग्णांची माहिती आहे. तर १५० जणांचे नमुने येण्याचे बाकी आहे. याशिवाय कोणतीही विश्वसनीनय मीडिाय रिपोर्ट नाही. जो या ऑडिओ क्लिपमधील दावा खरा आहे असं सांगतेय.

पीआयबी फॅक्ट चेकने सुद्धा या ऑडिओसंबंधी एक ट्विट केले आहे. या ट्विटमध्ये लिहिलेय, सोशल मीडियावर एक ऑडिओ क्लिप शेअर करण्यात येत आहे. ज्यात नागपुरात ३ डॉक्टरासह ५९ जणांना करोना व्हायरस झाल्याचा दावा करण्यात येत आहे. या ऑडिओत केलेला दावा खोटा आहे. कृपया फेक ऑडिओला शेअर करू नका.

२४ मार्च २०२० रोजी टाइम्स ऑफ इंडियाने नागपूर सेक्सशनमध्ये एक बातमी प्रकाशीत केली होती. ज्यात प्रशासनाने लोकांना फेक मेसेज पोस्ट, ऑडिओ क्लिप्सवर विश्वास न ठेवण्यास सांगितले होते. या रिपोर्टनुसार, जिल्हा प्रशासन आणि नागपूर महानगर पालिका ने मंगळवारी एक सोशल मीडियावर पोस्ट केली होती. ज्यात ५० हून अधिक रुग्ण करोना व्हायरसचे रुग्ण पॉझिटिव असल्याचा दावा केला होता. ही पोस्ट साफ चुकीची आणि खोटी आहे.

रिपोर्टनुसार, विभागीय आयुक्त संजीव कुमार यांनी हे स्पष्ट केले होते की, जिल्ह्यात आता पर्यंत ४ करोना व्हायरसचे रुग्ण पॉझिटिव्ह आहेत. तसेच या सर्वांवर उपचार सुरू असून ते लवरक बरे होतील.

निष्कर्ष

नागपुरात व्हायरल ऑडिओ क्लिप मध्ये ज्या व्यक्तींकडून ५९ जणांना करोना व्हायरसची लागण झाल्याचा दावा करण्यात येतोय, तो चुकीचा आणि साफ खोटा आहे, असे मटा फॅक्ट चेकच्या पडताळणीत स्पष्ट झाले आहे.