इ 7 वी सेतू अभ्यास दिवस 32
विषय – गणित
थोडं समजून घेऊ
एकमान पद्धत:
अनेक वस्तूंच्या किमतीवरून एका वस्तूची किंमत भागाकार करून काढणे व एका वस्तूच्या किमतीवरून अनेक वस्तूंची किंमत गुणाकार करून काढणे याप्रकारे उदाहरण सोडवण्याच्या पद्धतीला एकमान पद्धत म्हणतात.
चला एका उदाहरणाद्वारे एकमान पद्धत समजून घेऊ.
दहा वह्यांची किंमत 200 रुपये आहे. तर 4 वह्यांची किंमत किती ?
4 वह्यांची किंमत काढण्यासाठी सर्वप्रथम आपल्याला एका वहीची किंमत काढावी लागेल.
10 वह्यांची किंमत 200 रुपये आहे.
. एका वहीची किंमत = 200 : 10 = 20 रुपये यावरून 4 वह्यांची किंमत = 20 x 4 = 80 रुपये.
चला सराव करूया
उदा. 1. 15 केळ्यांची फणी 45 रुपयांना मिळते. तर 8 केळ्यांची किंमत किती ?
उकल: 15 केळ्यांची किंमत 45 रुपये
. एका केळ्याची किंमत = 45 ÷ 15 = 3 रुपये
यावरून, 8 केळ्यांची किंमत 8×3 = 24 रुपये
उदा.2. 10 किग्रॅ तांदळाची किंमत 325 आहे, तर 8 किग्रॅ तांदळाची किंमत काढा.
उकल: 10 किग्रॅ तांदळाची किंमत 325 आहे.
1 किग्रॅ तांदळाची किंमत = 325 ÷ 10 = 32.5 रुपये
यावरून, 8 किग्रॅ तांदळाची किंमत = 32.5 × 8 = 260 रुपये
सोडवून पाहू
1) 5 चेंडूंची किंमत 100 रुपये आहे तर एका चेंडूची किंमत किती ?
2) 14 खुर्च्याची किंमत 5992 आहे, तर 12 खुर्च्यासाठी किती रुपये दयावे लागतील ?
3) 30 डब्यांचे वजन 6 किग्रॅ आहे, तर 1080 डब्यांचे वजन किती किग्रॅ होईल ?