[ad_1]
एक व्हिडिओ खूप मोठ्या प्रमाणात शेअर करण्यात येत आहे. या व्हिडिओत खूप मोठी गर्दी दिसत आहे. सऊदी अरब मध्ये लॉकडाऊन संपला असून सामान खरेदीसाठी मॉलमध्ये गर्दी उसळली असल्याचा दावा या व्हिडिओतून केला जात आहे.
याच दाव्याने सोशल मीडियावर हा व्हिडिओ शेअर करण्यात येत आहे.
फेसबुक युजर Sobia Ashraf ने हा व्हिडिओ शेअर केला आहे. व्हिडिओ शेअर करताना लिहिलेय की, सऊदी अरबचा शॉपिंग मॉल लॉकडाऊनंतर. तिने हा व्हिडिओ १५ मे २०२० रोजी पोस्ट केला आहे.
या व्हिडिओत प्रचंड गर्दी उसळलेली दिसत आहे. मॉलचे शटर उघडताच बाहेर शेकडो लोक मॉलमध्ये घुसताना दिसत आहे. ते प्रचंड गोंधळ घालताना दिसत आहेत.
खरं काय आहे ?
हा व्हिडिओ सऊदी अरबमधील लॉकडाऊनमधील नाही. हा जुना व्हिडिओ आहे. डिसेंबर २०१९ रोजीचा हा व्हिडिओ आहे. त्यावेळी जगभरात करोना व्हायरसची कुठेही भीती पसरली नव्हती. किंवा लॉकडाऊन नव्हता.
कशी केली पडताळणी ?
सर्वात आधी आम्ही या व्हिडिओची पडताळणी करण्यासाठी InVid गुगल क्रोम एक्सटेंशनचा वापर केला. त्यानंतर या व्हिडिओला काही भागात विभागणी केली. त्यानंतर वेगवेगळ्या इमेजला रिव्हर्स सर्च केले. वेगवेगळ्या सर्च इंजिनवर सर्च केल्यानंतर आम्हाला यूट्यूब चॅनेल ‘حصري تيوب’ वर ३ डिसेंबर २०१९ रोजीचा एक अपलोड केलेला व्हिडिओ मिळाला.
या व्हिडिओचे शीर्षक ‘This is what happened at the opening of a household utensils store in Mecca, everything at 5 riyals’, असे होते. या व्हिडिओच्या दाव्यानुसार, सऊदी अरबमधील मॉलमधील कोणतीही वस्तू ५ रियालला खरेदी करण्याची ऑफर जारी करण्यात आल्यानंतर ही गर्दी उसळली होती.
निष्कर्ष
सऊदी अरबमधील लॉकडाऊन संपल्यानंतर मॉल उघडल्याने प्रचंड गर्दी उसळली असल्याचा दावा करणारा हा व्हिडिओ गेल्यावर्षीचा आहे. लॉकडाऊनचा आणि गर्दीचा या व्हिडिओशी काहीही संबंधन नाही. त्यामुळे या व्हिडिओतून जो दावा करण्यात येत आहे, तो साफ खोटा आहे, असे ‘मटा फॅक्ट चेक‘च्या पडताळणीत स्पष्ट झाले आहे.
[ad_2]
Source link