[ad_1]
ट्विटर युजर Rafif Jabbar ने हा व्हिडिओ ट्विट केला आहे. व्हिडिओ शेअर करताना मजकूर लिहिला आहे की, मुंबईहून पश्चिम बंगाल या दरम्यान १० मे २०२० रोजी चालवण्यात आलेल्या रेल्वेचे हे दृश्य आहे.
फेसबुक युजर Abdul Azeem Uzair ने हा व्हिडिओ याच दाव्याने शेअर केला आहे. युजरने गरीब कामगारांची दयनीय अवस्था दाखवून भाजप सरकारला लक्ष्य केले आहे.
खरं काय आहे ?
बांगलादेशमधील २०१८ या वर्षीचा हा व्हिडिओ आहे. या व्हिडिओचा भारताशी किंवा करोना व्हायरसमुळे लॉकडाऊनमध्ये अडकलेल्या मजदूरांच्या दयनीय अवस्थेशी काहीही संबंध नाही.
कशी केली पडताळणी ?
गुगल क्रोम एक्सटेंशन InVid च्या माध्यमातून आम्ही व्हिडिओची अनेक फ्रेम्समध्ये विभागणी केली. त्यानंतर ते रिव्हर्स इमेज सर्च केले.
आम्हाला रिझल्टमध्ये २५ फेब्रुवारी २०१८ रोजीचा एक यूट्यूब चॅनेलवर अपलोड केलेला एक व्हिडिओ मिळाला. या व्हिडिओचे शीर्षक ‘Most Crowded Train in the World- Bangladesh Railway’ होते. व्हिडिओचे व्हिज्युअल्स आता शेअर होत असलेल्या व्हिडिओसारखेच आहेत.
व्हिडिओसोबत दिलेल्या डिस्क्रिप्शननुसार, हा व्हिडिओ २०१८ मधील बिश्वा इज्तमा या दरम्यानचा आहे. बिश्वा इज्तमामध्ये दरवर्षी बांगलादेशच्या टोंगीमध्ये खूप लोक सहभागी होत असतात.
PIB फॅक्ट चेकने आपल्या अधिकृत ट्विटर हँडलवरून या दाव्याचे खंडन केले आहे.
निष्कर्ष
बांगलादेशमधील २०१८ मधील प्रचंड गर्दीचा, संपूर्ण रेल्वेवर प्रवासी बसलेले दिसत असलेला एक व्हिडिओ मुंबईहून पश्चिम बंगालला घेऊन जात असलेल्या मजदूरांचा असल्याचा दावा केला जात आहे. परंतु, हा दावा चुकीचा आहे, असे ‘मटा फॅक्ट चेक‘च्या पडताळणीत स्पष्ट झाले आहे.
[ad_2]
Source link