Fact Check : Fact Check: ५ मुलांना गंगेत फेकणाऱ्या महिलेचा करोना किंवा लॉकडाऊनशी संबंध नाही – fact check: news of mother in up drowning 5 kids falsely linked to coronavirus lockdown

दावा


सामाजिक कार्यकर्ते, वकील आणि आम आदमी पार्टी माजी सदस्य प्रशांत भूषण यांनी उत्तर प्रदेशातील एका महिलेने आपल्या ५ मुलांना बुडून मारल्याची बातमी शेअर केली. तसेच हा दावा केला की, देशभरात करोना व्हायरस रोखण्यासाठी वारंवार लावण्यात आलेल्या लॉकडाऊनमुळे या महिलेले आपल्या मुलांसाठी जेवण मिळत नव्हते. त्यामुळे या महिलेने आपल्या मुलांना नदीत फेकून दिले.

प्रशांत भूषण यांनी ‘Outlook.com’ ची एक न्यूज रिपोर्ट शेअर केली. त्याचे शीर्षक, ‘With no food to eat during lockdown, mother in UP throws 5 children into river’ होते. आणि या बातमीसाठी न्यूज एजन्सी IANS ला क्रेडिट दिले कारण बातमी IANSची होती.

या आर्टिकलसोबत प्रशांत भूषण यांनी जे लिहिले त्याचे मराठी भाषांतर याप्रमाणे आहे. खूपच दुखःदायक. उत्तर प्रदेशात एक मन हेलावून टाकणारी घटना उघडकीस आली. या ठिकाणी एका आईने आपल्याच ५ मुलांना नदीत फेकून दिले.

हा रिपोर्ट शेअर करताना पून्य प्रसून वाजपेयी आणि शिवम वीज यासारख्या पत्रकरांनीही हा दावा केला आहे.

सामाजिक कार्यकर्त्या कविता कृष्णन यांनी एक व्हिडिओ शेअर केला आणि लिहिले की, यूपीत एका मजूर महिलेने आपल्या ५ मुलांना नदीत फेकल्यानंतर आत्महत्या करण्याचा प्रयत्न केला. लॉकडाऊन असल्याने तिच्या मुलांना काहीच खायला मिळत नव्हते.

परंतु, कविता कृष्णन यांनी हा दावा करताना कोणतीही न्यूज रिपोर्ट शेअर केली नाही.

खरं काय आहे ?

महिलेने आपल्या मुलांना लॉकडाऊनमुळे काही खायला मिळाले नाही म्हणून नदीत फेकले नाही. महिलेचे तिच्या नवऱ्याशी भांडण झाले होते. त्यानंतर तिने हे पाऊल उचलले.

कशी केली पडताळणी ?

काही कीवर्ड्स सर्च केल्यानंतर आम्हाला १२ एप्रिल २०२० रोजी प्रकाशित झालेली ‘टाइम्स ऑफ इंडिया’ची एक
रिपोर्ट मिळाली यात याची माहिती देण्यात आली आहे.

या बातमीचे शीर्षक ‘UP: Woman throws five children into Ganga after quarrel with husband’होते. रिपोर्टच्या माहितीनुसार, उत्तर प्रदेशातील भदोहीमध्ये एका महिलेने आपल्या नवऱ्यासोबत भांडण झाल्यानंतर आपल्या पाच मुलांना नदीत फेकले.

प्रशांत भूषण, शिवम वीज आणि पून्य प्रसून वाजपेयी यांनी जो
रिपोर्ट शेअर केला. त्या रिपोर्टनुसार त्या महिलेचे मानसिक आरोग्य ठीक नाही, असे पोलिसांनी म्हटले आहे.

या रिपोर्टमध्ये सूत्रांनी दिलेल्या माहितीनुसार, महिलेला लॉकडाऊनमुळे जेवण मिळत नव्हते कारण ती मजूर होती. त्यामुळे तिच्याजवळ पैसेही नव्हते.

भदोही पोलिसांनी आपल्या अधिकृत ट्विटर हँडलवरून मंजू देवी नावाच्या एका महिलेच्या वक्तव्याचा छोटासा व्हिडिओ ट्विट केला आहे.

व्हिडिओसोबत लिहिले की, मंजू देवीने आपल्या ५ मुलांना भूकबळीमुळे नदीत फेकले नाही. यामागे दुसरे कारण आहे. मंजू देवीचे वक्तव्यावरून हे स्पष्ट होते.


निष्कर्ष

करोना व्हायरसचे संकट रोखण्यासाठी देशभरात लॉकडाऊन लागू करण्यात आल्याने उत्तर प्रदेशातील महिलेने आपल्या पाच मुलांना नदीत फेकले नाही. महिलेचे तिच्या नवऱ्यासोबत भांडण झाले होते, त्यामुळे तिने रागाच्या भरात हे पाऊल उचलले आहे, असे ‘मटा फॅक्ट चेक’च्या पडताळणीत स्पष्ट झाले आहे.