[ad_1]
ट्विटरवर २० लाखांहून अधिक फॉलोअर्स असलेल्या पाकिस्तानचे पत्रकार मोईद पीरजादा यांनी समुद्रात दोन जहाजामधील टक्कर झालेला व्हिडिओ शेअर केला आहे. हा व्हिडिओ शेअर करताना त्यांनी दावा केला आहे की, पाकिस्तानी नौदलाच्या जहाजाने अरबी समुद्रात भारतीय जहाजाला केवळ रोखले नाही तर त्याचे नुकसानही केले आहे.
Pakistan Navy intercepts and rams Indian ship in Arabian Sea? https://t.co/nkNHnV7aw2
— Moeed Pirzada (@MoeedNj) 1586804122000
हाच व्हिडिओ व्हॉट्सअॅपवर शेअर केला जात आहे. व्हिडिओसोबत पाठवण्यात आलेल्या मेसेजनुसार, दुर्लभ घटनाः भारतीय नौदलाचे आयएनएस तलवार आणि पाकिस्तानी नौदलाचे पीएनएस-१८२ जहाज आज समुद्रात आमने-सामने आले.
‘टाइम्स फॅक्ट चेक‘ च्या एका अलर्ट वाचकाने आम्हाला हा व्हिडिओ पाठवला व या संदर्भात खरी माहिती जाणून घेण्याची विनंती केली.
खरं काय आहे?
हा व्हिडिओ आत्ताचा नाही. तर २०११ चा आहे.
पाकिस्तानी नौदलाच्या जहाजाने भारतीय नौदलाच्या जहाजाला २०११ साली नुकसान पोहोचवले होते. या घटनेत भारतीय नौदलाचे आयएनएस गोदावरी (मेसेजच्या दाव्यानुसार, हे जहाज आयएनएस तलवार आहे) आणि पाकिस्तानी बाबर डी-१८२ जहाज यांचा समावेश होता.
व्हिडिओत पीएनएस बाबर डी-१८२ गोदावरीला टक्कर देत आहे आणि जहाजाच्या हेलिकॉप्टर नेटला नुकसान पोहोचवत आहे. पाकिस्तानचे हे जहाज २०१५ साली सेवेतून निवृत्त झाले आहे.
त्यावेळी हे प्रकरण फार चर्चेत आले होते. या एका घटनेमुळे भारत आणि पाकिस्तान या दोन्ही देशात मोठा तणाव निर्माण झाला होता.
गुगलवर ‘PNS 182’ सह काही कीवर्ड्स सर्च केल्यानंतर यूट्यूबवर २०११ मधील एनडीटीव्हीच्या अधिकृत चॅनेलवर अपलोड केलेला एक व्हिडिओ आम्हाला मिळाला. या व्हिडिओचे शीर्षक ‘Video shows celebrations on Pak warship after it hit INS Godavari’ होते. व्हिडिओसोबत देण्यात आलेल्या कॅप्शनमध्ये म्हटले, ‘NDTV जवळ आता १६ जून २०११ चे ते व्हिडिओ फुटेज उपलब्ध आहेत. ज्यात तुम्ही पाहू शकता की, पाकिस्तानी पीएनएस बाबर जहाजाने समुद्रात आयएनएस गोदावरी जहाजाला कसे नुकसान पोहोचवले आहे. व्हिडिओत पाकिस्तानी जहाज चालवणारा आनंद व्यक्त करताना दिसत आहे.
निष्कर्ष
PNS बाबर डी -१८२ कडून भारतीय जहाज INS गोदावरीला नुकसान पोहोचवणारा व्हिडिओ हा आत्ताचा नाही. परंतु, तो आत्ताचा आहे, असे सांगून सोशलवर शेअर केला जात आहे, असे ‘मटा फॅक्ट चेक’च्या पडताळणीत स्पष्ट झाले आहे.
[ad_2]
Source link