Fact Check : Fact Check: करोनामुळे घरात बंद असलेले इटलीच्या लोकांनी पाकिस्तानचे राष्ट्रगीत गायिले? – fact check: quarantined people in italy naples did not sang pakistani national anthem from their balconies

अमेरिकन कॉमेडियन Jeremy McLellan यांनी आपल्या अधिकृत ट्विटर हँडलवरून एक व्हिडिओ ट्विट केला आहे. या व्हिडिओत पाकिस्तानचे राष्ट्रगीत ऐकायला मिळत आहेत. आणि जवळपास काही इमारती आहेत. व्हिडिओच्या डाव्या बाजुला इटली, नेपल्स लिहिले आहे. ट्विटर युजरने व्हिडिओसोबत दावा केला आहे की, इटलीत करोना व्हायरसमुळे आयसोलेट करण्यात आलेले लोक एकत्र पाकिस्तानचे राष्ट्रगीत गात आहेत.

ट्विटर युजर अमेरिकन कॉमेडियन आहे. त्यामुळे गंमत म्हणून हा व्हिडिओ शेअर केला जावू शकतो. व्हिडिओ सोबत लिहिलेल्या मजकुरावरून हा व्हिडिओ खरा वाटत नाही, गंमत म्हणून हा व्हिडिओ शेअर केलेला असला तरी याला अनेक जण खरे मानत आहेत.

पाकिस्तानची वेबसाइट
bolnews.com ने Jeremy च्या ट्विटच्या आधारावर एक न्यूज छापली आहे. इटलीत करोना व्हायरसमुळे घरात बंद असलेले लोक सामूहिकपणे पाकिस्तानचे राष्ट्रगीत गात आहेत, असे म्हटले आहे.

खरं काय आहे?

व्हिडिओत पाकिस्तानचे राष्ट्रगीत एडिट करून जोडले आहे. खरं म्हणजे, इटलीच्या नेपल्समध्ये करोना व्हायरसमुळे घरात बंद असलेले लोक एक दुसऱ्यांची हिंमत वाढवण्यासाठी गाणे गात आहेत.

कशी केली पडताळणी?

व्हिडिओच्या डाव्या बाजुला लिहिलेय, ‘Naples, Italy’सह काही संबंधित कीवर्ड्स सर्च केल्यानंतर आम्हाला यूट्यूबवर CBS News च्या अधिकृत चॅनेलवर १३ मार्च २०२० रोजी अपलोड केलेला व्हिडिओ मिळाला. हा व्हिडिओ शेअर करण्यात आलेल्या व्हिडिओसारखाच आहे.

व्हिडिओचे शीर्षक ‘Quarantined Italians sing together from balconies’होते. व्हिडिओसोबत देण्यात आलेल्या काही माहितीनुसार, करोना व्हायरसच्या भीतीमुळे इटलीच्या नेपल्समधील क्वॉरंटिनमध्ये लोक बाल्कनीत एकत्र गाणे गात आहेत. तसेच ‘Don’t give up’यासारख्या घोषणा देत आहेत. इटलीत अशा अनेक घटना दिसत आहेत. ६ कोटी लोकसंख्या असलेला देश करोनामुळे पूर्णपणे बंद आहे.

निष्कर्ष

करोना व्हायरसमुळे घरात बंदीस्त असलेले लोक बाल्कनीत सामूहिकपणे पाकिस्तानचे राष्ट्रगीत गात नाहीत, खरं म्हणजे ते एकमेकांना आधार देण्यासाठी एक गाणे गात आहेत, असे मटा फॅक्ट चेकच्या पडताळणीत स्पष्ट झाले आहे.

fact check: बँकेतून पैसे काढण्यासाठी NPR ची कागदपत्रे लागणार?

fake alert: करोनामुळे देशातील ४ राज्यात सुट्टी जाहीर?