coronavirus India impact : करोनाचा फटका, MI 10 लाँचिंग पुढे ढकलली – coronavirus india impact: mi 10 india launch postponed due to lockdown

नवी दिल्लीः रियलमीनंतर शाओमीनेही आपल्या एका फोनची लाँचिंग करोना व्हायरसमुळे पुढे ढकलली आहे. भारतात १४ एप्रिल पर्यंत लॉकडाऊन असल्याने शाओमीने आपला स्मार्टफोन एमआय१० ची भारतातील लाँचिंग पुढे ढकलली आहे. ही लाँचिंग कधी होणार आहे, याबाबत कंपनीने अद्याप काही माहिती दिली नाही. भारतातील करोनाच्या स्थितीवर शाओमी बारीक नजर ठेवून आहे. लवकरच या स्मार्टफोनची लाँचिंगची तारीख जाहीर करण्यात येईल, असे शाओमीने म्हटले आहे.

शाओमीने एमआय१० हा स्मार्टफोन फेब्रुवारीत चीनमध्ये लाँच केला होता. तर ३१ मार्च रोजी भारतात हा फोन लाँचिंग करण्यात येणार होता. करोनामुळे हा फोन ऑनलाइन लाँचिंग करण्यात येणार होता. परंतु, आता ही लाँचिंग रद्द करण्यात आली आहे. शाओमी इंडिया व्यवस्थापकीय संचालक मनु कुमार जैन यांनी ट्विट करून एमआय १० ची लाँचिंग तारीख स्थगित करण्यात आल्याची माहिती दिली आहे.

शाओमीची एम सीरिज अंतर्गत लाँच होणाऱ्या स्मार्टफोन्समधील एमआय१० सीरीज पहिला फोन आहे. ४ वर्षानंतर भारतात ही सीरिज लाँच करण्यात येणार आहे. भारतात आयात शुल्क आणि जीएसटी वाढ झाल्याने या फोनची किंमत वाढू शकते. चीनमध्ये एमआय १० ची किंमत ३,९९९ चीनी युआन म्हणजेच जवळपास ४२,५०० रुपये, तर एमआय १० प्रोची किंमत ४,९९९ चीनी युआन म्हणजेच ५३ हजार रुपये आहे. या फोनमध्ये क्वॉलकॉम स्नॅपड्रॅगन ८६५ प्रोसेसर दिला आहे. या फोनमध्ये ६.६७ इंचाचा फुल एचडी अमोलेड डिस्प्ले दिला आहे. या फोनमध्ये ४ रियर कॅमेरे दिले आहेत. प्रायमरी कॅमेरा १०८ मेगापिक्सल आहे. हे ८ के व्हिडिओ रेकॉर्डिंग सपोर्ट करते. एमआय १० मध्ये ४५०० एमएएच क्षमतेची बॅटरी दिली असून ३० वॅट फास्ट चार्जिंगचा सपोर्ट दिला आहे. तर एमआय १० प्रो मध्ये ४७८० एमएएच क्षमतेची बॅटरी दिली असून ५० वॅट चार्जिंग स्पीड सपोर्ट दिला आहे. हे दोन्ही स्मार्टफोन्स अँड्रॉयड १० बेस्ड मीयूआय ११ वर चालतो.

करोनाः कोणत्याही कंपन्यांचं नेटवर्क वापरता येणार?

भागीदारी खरेदीवरून जिओ-फेसबुकमध्ये चर्चा?

Whatsapp मधील आवडत्या नंबर्सला ‘अशी’ सेट करा ‘खास’ रिंगटोन