coronavirus : करोनाः ट्विटरच्या ५ हजार कर्मचाऱ्यांना ‘वर्क फ्रॉम होम’ – twitter orders all employees worldwide to work from home due to coronavirus

नवी दिल्लीः जगभरातील १०० हून अधिक देशात करोना व्हायरस पोहोचल्याने खबरदारीचा उपाय म्हणून ट्विटरने आपल्या सर्व कर्मचाऱ्यांना घरून काम करण्यास सांगितले आहे. काम करण्यासाठी कार्यालयात येण्याची गरज नाही, असे आदेश ट्विटरने आपल्या सर्वच्या सर्व म्हणजे जवळपास ५ हजार कर्मचाऱ्यांना दिले आहेत. जगातील अर्थव्यवस्थेला करोना व्हायरसमुळे मोठे नुकसान सोसावे लागत आहे. मायक्रोब्लॉगिंग साइट Twitter ने जगभरातील आपल्या कर्मचाऱ्यांना वर्क फ्रॉम होम करण्यास सांगितले आहे.

ट्विटरने आपल्या ब्लॉगमध्ये म्हटलेय, सर्व कर्मचाऱ्यांनी घरून काम करावे. घरून काम करणाऱ्या कर्मचाऱ्यांना पैसे मिळणार आहे. तसेच गरज भासल्यास सेट अप तयार करण्यासाठी ट्विटर पैसे देईल, असे कंपनीने स्पष्ट केले आहे. जर कर्मचाऱ्यांच्या आई-वडिलांना काही अडचण असल्यास कंपनी त्यांच्यासाठी पुढाकार घेऊन आर्थिक भरपाई करेन, असे ट्विटरने म्हटले आहे. सर्व मुलाखती या व्हिडिओ कॉन्फ्रेंसिंद्वारे होतील, तसेच निवड झालेल्या व्यक्तीला घरून काम करण्यास मुभा देण्यात येईल, असेही ट्विटरने म्हटले आहे.

करोना व्हायरसच्या भीतीने सुरक्षेचा उपाय म्हणून अॅपल, मायक्रोसॉफ्ट, गुगल आणि फेसबुक या सारख्या कंपन्यांनी आपले मोठे-मोठे कार्यक्रम रद्द केले आहेत. अॅपलने ३१ मार्च रोजी होणारा मोठा कार्यक्रम नुकताच रद्द केला आहे. या कार्यक्रमात सर्वात स्वस्तातील आयफोन (iPhone SE) लाँच करण्यात येणार होता. तर गुगल आणि अॅपलने आपल्या सर्व कमर्चाऱ्यांना घरातून काम करण्याचा सल्ला दिला आहे.

एअरटेलचा प्लानः ४ जणांचे बिल फक्त ९९९ ₹

स्मार्टफोन विसरल्यास ७३% स्त्रिया अस्वस्थ

एअरटेलने जिओ आणि व्होडाफोनला मागे टाकले

‘रेडमी नोट ९ सीरिज’ आज दुपारी लाँच होणार