[ad_1]
एका सामूहिक हिंसाचाराला खतपाणी घालणारी ही घटना असल्याचं म्हणत यावर टीका केलीय. दिल्ली पोलिसांनी याबाबत कठोर कारवाई करावी अशी मागणीही केली जातेय. शिवाय, ‘आय सेफ अलायन्स’ या संघटनेकडून एज व्हेरिफिकेशन आणि कंटेंट फिल्टर्सची मागणी केली जाऊ लागलीय. सध्या या प्रकरणातील गुन्हेगारांवर आयटी कायद्यांतर्गत विविध कलम अंतर्गत गुन्हे दाखल करण्यात येणार आहेत.
दिल्लीतील या खळबळजनक प्रकारामुळे आता देशभरातील पालकवर्गामध्ये भीतीचं वातावरण निर्माण झालंय. अशा गुन्हेगारी प्रवृतीपासून आपल्या मुला-मुलींना लांब कसं ठेवावं याबद्दल चिंता व्यक्त होतेय. ‘रिस्पॉन्सिबल नेटीझम’चे उन्मेष जोशी यांच्याशी ‘मुंबई टाइम्स’नं संवाद साधला तेव्हा, त्यांनी पालकांसाठी काही सूचना दिल्या. कमी वयात गुन्हेगारी प्रवृतीला मिळणारा वाव याला इंटरनेटबरोबरच इतर अनेक गोष्टीही जबाबदार असल्याचं ते म्हणााले.
पालकांनो, हे करा…
० पालकांनी मुलांच्या मोबाइल किंवा इतर कोणतेही गॅझेट्स वापरावर वेळीच निर्बंध घालणं आवश्यक आहे. त्याअगोदर पालकांनी स्वतःच्या वापरावर निर्बंध घालावेत.
० मुलांना ऑनलाइन काय करावंसं वाटतं याबद्दल पालकांनी मुलांशी सतत बोलत राहणं अत्यावश्यक आहे.
० आपण काय करतोय, आणि त्याचे परिणाम काय होऊ शकतात याबद्दल योग्य ती माहिती मुलांना देणं.
० लैंगिक शिक्षणावर भर देऊन आपल्या मुलांशी योग्य वेळी त्याबाबत मोकळेपणानं बोला.
० सायबर लॉ आणि इतर कायद्यांविषयी मुलांना माहिती करून देणं
० पालक आणि मुलांमधील सततच्या योग्य संवादातून हे प्रकार टाळता येऊ शकतील.
वाचाःस्मार्टफोन फास्ट चार्जिंग करणाऱ्या खास टिप्स
का घडतात असे प्रकार?
० नको त्या वयात मुलांना मोबाइल आणि इतर गोष्टींची सवय लावणं. शिवाय कमी वयातच सोशल मीडिया प्रोफाईल नेहमी घातक ठरू शकतात.
० मुलांचं अश्लीलतेकडे वळणं आणि पालकांनी त्यावेळी केलेलं दुर्लक्ष हे अशा चुकांना खतपाणी देणारं ठरू शकतं.
० शारीरिक बदल आणि आकर्षण याविषयी अयोग्य विचार.
वाचाः जिओचा सर्वात स्वस्त प्लान, ३.५ रुपयात १ जीबी डेटा
तज्ज्ञ सांगतात…
कोणत्याही गोष्टींच्या बाबतीत पालकांचा मुलांशी संवाद अत्यंत महत्त्वाचा आहे. आपली मुलं काय वापरतात, कोणत्या सोशल मीडिया साइटचा ते कोणत्या प्रकारे वापर करतात यावर पालकांचा कटाक्ष असणं अत्यावशक आहे. अनेकदा सोशल मीडियाचा योग्य वापर माहीत नसल्यामुळे या चुका घडतात. कुमार वयात आल्यानंतर त्यांच्यावरील बंधनं शिथिल केली, तरी प्रत्येक वेळी पालक आणि मुलांमध्ये सुसंवाद होणं गरजेचं आहे.
-उन्मेष जोशी (रिस्पॉन्सिबल नेटीझम)
[ad_2]
Source link