Bajaj Group : करोनाः बजाज कंपनी १०० कोटींची मदत करणार – coronavirus: bajaj group commits rs 100 crore for medical relief

नवी दिल्लीः चीनमधील एका शहरात पोहोचलेला करोना व्हायरस आज जगाच्या कानाकोपऱ्यात पोहोचला आहे. भारतात करोना व्हायरसची प्रचंड भीती पसरली आहे. करोना व्हायरसवर मात करण्यासाठी अनेक कंपन्या पुढे आल्या आहेत. करोना व्हायरसला हरवण्यासाठी बजाज कंपनीने एक मोठी घोषणा केली आहे. करोनावर मात करण्यासाठी बजाज कंपनी तब्बल १०० कोटींची आर्थिक मदत करणार आहे. बजाज कंपनीची ही आतापर्यंतची सर्वात मोठी मदत असणार आहे.

ऑटोमोबाइल कंपनीकडून इतक्या मोठी रकमेची आर्थिक मदत अद्याप कोणत्याही कंपनीने केलेली नाही. याआधी एमजी मोटर्स आणि महिंद्रा अँड महिंद्रा कंपनीने आपली मदत जाहीर केली आहे. करोना व्हायरसला हरवण्यासाठी बजाज कंपनीने मोठी घोषणा केली असून यावेळी म्हटले की, सरकार आपल्या २०० हून अधिक एनजीओच्या नेटवर्कसोबत करोना व्हायरसशी लढा देण्यासाठी गरजेच्या वस्तू उपलब्ध करून देण्यात येईल. तसेच कंपनी पुण्यातील रुग्णालयासाठी आवश्यक आरोग्य इन्फ्रास्ट्रक्चर अपग्रेड करणार आहे. याआधी एमजी मोटरने करोना व्हायरसला रोखण्यासाठी २ कोटींची मदतीची घोषणा केली आहे. या आर्थिक मदतीतून सरकारी रुग्णालयात आवश्यक वस्तू देण्यात येतील. तसेच महिंद्र अँड महिंद्रा नेही करोना व्हायरसला रोखण्यासाठी रुग्णांसाठी व्हेंटिलेटर बनवण्याचे काम सुरू केले आहे.

करोनाः महिंद्रा कंपनीनं बनवलं व्हेंटिलेटर प्रोटोटाइप

करोनाः एमजी मोटरची २ कोटींची मदतीची घोषणा

अमेरिकन कंपनीची बाइक भारतात गुपचूप लाँच

करोनाः ६,४०० कोटी किंमतीच्या BS4 गाड्या पडून