fake alert: fake alert: विमानात स्टाफसोबत प्रवाशांच्या भांडणाचा व्हिडिओ एअर इंडिया विमानातील नाही – fake alert: video of passengers outraging against airline staff is not from air india plane

सोशल मीडियावर एक व्हिडिओ खूप मोठ्या प्रमाणात शेअर केला जात आहे. काही प्रवाशी एअरलाइन्सच्या स्टाफसोबत भांडताना दिसत आहे. हे प्रवाशी जास्त भाडे आकारले म्हणून तसेच सोशल डिस्टेंसिगचे नियम धाब्यावर बसवले म्हणून स्टाफसोबत भांडताना दिसत आहेत. तसेच या व्हिडिओतून दावा करण्यात येत आहे की, हा व्हिडिओ एअर इंडियाच्या विमानातील आहे.

फेसबुक युजर्स ‘Praveen Prabhakar’ ने हा व्हिडिओ शेअर करताना म्हटले की, एअर इंडियाने सोशल डिस्टेंसिंगच्या नावावर प्रवाशांकडून ३ पट अधिक पैसे घेतले. परंतु, प्रवाशांना एकही सीट खाली दिसली नाही. जनतेला लुटने बिनबोभाटपणे सुरू आहे.

काही ट्विटर युजर्संनी हा व्हिडिओ याच दाव्याने शेअर केला आहे.

खरं काय आहे ?

व्हिडिओ एअर इंडियाच्या विमानाचा नाही. पाकिस्तान इंटरनॅशनल एअरलाइन्स (PIA) विमानाचा आहे.

कशी केली पडताळणी ?

आम्हाला NBT.in ची एक बातमी मिळाली. ज्यात हा व्हिडिओ पाकिस्तानी एअरलाइन्सचा असल्याचे म्हटले आहे. ही बातमी २९ एप्रिल २०२० रोजी प्रकाशीत झालेली आहे.

pakistan

बातमीत म्हटले की, हा व्हिडिओ कराची-टोरंटो फ्लाईटचा आहे.

बातमीच्या माहितीनुसार, आम्ही काही की वर्ड्स सर्च केले. त्यानंतर आम्हाला पाकिस्तानी मीडिया आऊटलेट जीएनएनचे अधिकृत यूट्यूब चॅनेलवर २६ एप्रिल २०२० रोजी अपलोड केलेला एक व्हिडिओ मिळाला. ज्याचे शीर्षक ‘No Social Distancing Rules in PIA’s flights to bring back stranded Pakistanis Home’ होते.

या ठिकाणी पाहा व्हिडिओ

निष्कर्ष

पाकिस्तानी फ्लाइटमध्ये शूट केलेला व्हिडिओ अनेक सोशल मीडिया युजर्स एअर इंडियाच्या विमानाचा व्हिडिओ म्हणून शेअर करीत आहेत, असे ‘मटा फॅक्ट चेक‘च्या पडताळणीत स्पष्ट झाले आहे.