[ad_1]
गेल्या दोन वर्षांत ट्विटरवरून महिलांशी संबंधित अनेक प्रश्नांना वाचा फोडण्यात आली. २०१७पासून आत्तापर्यंत महिलांशी संबंधित अनेक प्रश्न, त्यांच्या यशोगाथा यांचे हॅशटॅग ट्रेंडिंग झाले आहेत. महिलांचा बिनधास्तपणाही या माध्यमातून जगासमोर आला आहे. ‘जागतिक महिला दिना’च्या निमित्तानं, गेल्या दोन वर्षांत गाजलेल्या हॅशटॅगविषयी जाणून घेऊ.
MeTooIndia
कामाच्या ठिकाणी महिलांवर होणाऱ्या अत्याचारांना वाचा फोडण्यासाठी सुरू झालेली ही मोहीम जागतिक पातळीवर सुरू झाली. भारतातल्या लाखो महिलांनीही या निमित्तानं आपल्यावर झालेल्या अत्याचारांच्या व्यथा मांडल्या. यामुळेच #MeTooIndia हा हॅशटॅग ट्रेडिंग झाला. यात काही महिलांना न्यायही मिळाला.
#SareeTwitter
सतत व्यग्र असलेल्या महिलांना थोडंसं हट के काही करण्याची संधी या हॅशटॅगमुळे महिलांना मिळाली. या हॅशटॅगमध्ये लाखो महिलांनी त्यांचे साडीमधले फोटो ट्विट केले. महिलांना त्याचं स्वातंत्र्य व्यक्त करण्याची संधी यातून मिळाल्याची भावना व्यक्त होत होती.
#GirlsWhoDrinkBeer
महिला बीअर पितात असं वक्तव्य एका राजकीय व्यक्तीनं केलं होतं. याचा निषेध म्हणून हा हॅशटॅग सुरू झाला. अल्पावधीतच तो ट्रेंड झाला. देशातील तरुणी, मध्यमवयीन महिला सर्वांनीच ट्विट करत, महिलांनी मद्यपान करू नये असं मत असणाऱ्यांचा निषेध केला.
#LahuKaLagaan
सॅनिटरी नॅपकिन्सवर कर वाढवल्याच्या निषेधार्थ एका स्वयंसेवी संस्थेनं हा हॅशटॅग सुरू केला. या माध्यमातून करवाढीचा महिलांनी निषेध केला. सॅनिटरी नॅपकिन्स ही महिलांची गरज आहे असं सांगत पाळीबाबत मोकळेपणानं व्यक्त होण्याचं मत नोंदविलं.
#JhumkaTwitter
साडीच्या हॅशटॅगनंतर महिलांनी झुमका घातलेले फोटो शेअर करण्यास सुरुवात केली. याला हा हॅशटॅग ट्रेंड केला होता.
महिला सक्षमीकरणासाठी पाऊल
महिला सक्षमीकरणासाठी ट्विटरनं काही हॅशटॅग सुरू केले होते. यात महाराष्ट्र, हरियाणा, झारखंड आणि दिल्ली येथील विधानसभा निवडणुकीच्यादरम्यान #HerPoliticalJourney हा हॅशटॅग ट्रेंड केला होता. महिलांचा राजकारणातील सहभाग अधोरेखित करण्याचा प्रयत्न ट्विटरनं केला. यात वंदना चव्हाण, सुनिता दुग्गल, दीपिका पाण्डे, सरिता सिंग या महिलांना ट्विटरवरून महिलांशी संवाद साधला. याचबरेाबर दीपा मिलकनं अॅथलेटिक्समध्ये मिळवलेलं यश साजरं करण्यासाठी #HerSportsStory हा हॅशटॅग तयार करण्यात आला होता. यानिमित्ताने पीटी उशा, मिथाली राज, दीपा कर्माकर या महिला खेळाडूंचं यश पुन्हा लोकांसमोर मांडलं.
१०० ₹ पेक्षा कमी किंमतीचे बेस्ट प्रीपेड प्लान
[ad_2]
Source link