Fake news : Fake Alert: करोना व्हायरसचा संसर्ग झालेली ‘ती’ महिला PM जस्टीन ट्रूडोंची पत्नी नाही – fake alert: woman talking about coronavirus is not canadian pm justin trudeau wife

Covid-19 चा संसर्ग झालेल्या एका महिलेचा व्हिडिओ मोठ्या प्रमाणात शेअर केला जात आहे. कॅनडाचे पंतप्रधान जस्टिन ट्रूडो यांची पत्नी सोफी ट्रूडो यांच्या पत्नीला करोनाचा संसर्ग झाल्याचा दावा या व्हिडिओतून करण्यात येत आहे.

इन्टेसिव केअर यूनिट म्हणजेच आयसीयूत बनवलेल्या या व्हिडिओत ती महिला म्हणतेय, जर तुम्ही करोनाचा धोका पत्करण्याचा विचार करीत असाल तर एकदा मला पाहा. मी इन्टेसिव केअर युनिटमध्ये आहे. ही महिला धुम्रपान करणाऱ्यांनाही सल्ला देत आहे. की, तुम्ही काळजी घ्या…

टाइम्स फॅक्ट चेकच्या एका वाचकाने हा व्हिडिओ आम्हाला आमच्या व्हॉट्सअॅप नंबर 8527001433

वर पाठवला. व्हिडिओसोबत मेसेजमध्ये म्हटले की, कॅनडाचे पंतप्रधान यांची पत्नी. जे अजूनही करोनाबद्दल गंभीर नाहीत. ही पोस्ट त्यांच्यासाठी. हा व्हिडिओ खरा की खोटा याची पडताळणी करण्याची विनंती आम्हाला या वाचकाने केली.

खूप साऱ्या फेसबुक युजर्सने हा व्हिडिओ याच दाव्यासह शेअर केला आहे.

हा व्हिडिओ ट्विटरवरही मोठ्या प्रमाणात शेअर केला जात आहे.

खरं काय आहे?

व्हिडिओत दिसत असलेली महिला ही कॅनडाचे पंतप्रधान जस्टिन ट्रूडो यांच्या पत्नी सोफी ट्रूडो नाहीत.

ही महिला लंडनमधील तारा जेन लँग्स्टन आहे.

कशी केली पडताळणी?

महिला ब्रिटिशमध्ये बोलतेय. त्यामुळे ती कॅनडाचा असण्याचा प्रश्नच येत नाही.

गुगलवर ‘woman icu infected coronavirus’ यासारखे कीवर्ड्स सर्च केल्यानंतर आम्हाला
The Guardian ची एक बातमी मिळाली. या बातमीचे शीर्षक ‘Woman who filmed coronavirus warning receives online abuse’ होते. या बातमीत हाच व्हिडिओ आहे. जो आता शेअर केला जात आहे.

रिपोर्टमध्ये महिलाचे नाव तारा जेन लँग्स्टन आहे. जी ३९ वर्षाची आहे. तसेच ती करोना व्हायरस झाल्याने हॉस्पिटलमध्ये दाखल आहे. या रिपोर्टनुसार, गेल्या रविवारी करोना व्हायरसचा संसर्ग झाल्याने तारा जेनला आयसीयूत दाखल करण्यात आले. याच ठिकाणी हा व्हिडिओ बनवला. व तो सहकाऱ्यांना पाठवला.

सोफी ट्रूडो यांना १२ मार्च २०२० रोजी करोनाचा संसर्ग झाला होता. परंतु, टाइम्स ऑफ इंडियाच्या १३ मार्च रोजीच्या छापलेल्या एपीच्या न्यूज रिपोर्टनुसार, त्यांची प्रकृती आता चांगली आहे. सध्या आयसोलेशनमध्ये ठेवण्यात आले आहे. जस्टिट ट्रूडो यांनी स्वतः क्वारंटाईन करून घेतले आहे.


निष्कर्ष

करोना व्हायरसचा संसर्ग झालेली महिला ही ब्रिटनची असून तिचा व्हिडिओ चुकीच्या पद्धतीने शेअर केला जात आहे. ही महिला कॅनडाचे पंतप्रधान जस्टिन ट्रूडो यांची पत्नी नाही, असे मटा फॅक्ट चेकच्या पडताळणीत स्पष्ट झाले आहे.

Fake Alert: TOI बातमीच्या लिंकसोबत करोनाची चुकीची माहिती होतेय शेअर