[ad_1]
ट्विटरवर खूप साऱ्या युजर्संनी मुंबईतील वांद्रे येथे जमाव एकत्र केल्याप्रकरणी अटक करण्यात आलेला स्थानिक नेता विनय दुबेचा एक फोटो शेअर केला आहे. या फोटोतून दावा करण्यात येत आहे की, विनय दुबेच्या वडिलाचे नाव महमूद आहे. शेअर केला जात असलेल्या फोटोत विनय दुबे एक महिला आणि एक वयोवृद्ध दिसत असलेल्या व्यक्तीसोबत उभा आहे. ती व्यक्ती पेहरावमुळे मुस्लिम समाजाचे वाटत आहे.
फोटोसोबत मजकूर लिहिला आहे की, विनय दुबेच्या आईने मुस्लिम व्यक्तीसोबत लग्न केले होते. विनय दुबेच्या वडिलाचे नाव महमूद आहे. याचे नाव विनय दुबे जाणूनबुजून ठेवण्यात आले. कारण, हिंदू ब्राह्मण समजून अनेक हिंदू-भाऊ-बहिणींना हे समजू नये. हा जिहादीचा महत्वपूर्ण कट आहे. हिंदूत्व आणि देशाला नुकसान पोहोचवण्यासाठी.
फेसबुकवर सुद्धा हाच फोटो याच दाव्यासह व्हायरल केला जात आहे.
खरं काय आहे?
विनय दुबेच्या वडिलाचे नाव जटाशंकर दुबे हेच आहे.
कशी केली पडताळणी?
ट्विटरवर आम्हाला विनय दुबेचे एक ट्विट मिळाले. ते १० एप्रिल रोजी करण्यात आले होते. विनय दुबेने महाराष्ट्राचे गृहमंत्री अनिल देशमुख यांना हे ट्विट कोट केले होते.
या ट्विटमध्ये अनिल देशमुख यांनी एका व्यक्तीकडून चेक मिळाल्यानंतर एक फोटो ट्विटरवर टाकला होता. त्यात म्हटले होते. मुंबईचे रिक्षा चालक जटाशंकर दुबे यांनी करोना व्हायरस विरुद्ध लढण्यासाठी मुख्यमंत्री मदत निधीसाठी २५ हजार रुपयांची आर्थिक मदत केली.
या ट्विटला कोट करताना विनय दुबे यांनी स्वतः म्हटले होते की, जटाशंकर दुबे हे त्यांचे वडील आहेत. विनयने आपल्या ट्विटमध्ये म्हटले, मला गर्व आहे माझ्या वडिलांवर. माझ्या वडिलांनी महाराष्ट्र सरकारला करोना व्हायरस विरुद्ध लढण्यासाठी त्यांच्या बचतीमधील काही पैसे मदत म्हणून दिले. गृहमंत्री अनिल देशमुख यांनी स्वतः भेट घेऊन ही मदत स्वीकारली होती. धन्यवाद उद्धव ठाकरेजी. सहकार्यासाठी आभार, असे ट्विट केले होते.
विनय दुबेचे हे अकाउंट अधिकृत नाही. विनय दुबेने २०१९ च्या निवडणुकीत कल्याण मतदारसंघातून अपक्ष म्हणून निवडणूक लढवली होती. टाइम्स फॅक्ट चेकने पडताळणीसाठी
निवडणूक आयोगाच्या वेबसाईटवर जाऊन विनय दुबेचे निवडणूक प्रतीज्ञापत्र पाहिले. यात विनय दुबेच्या वडिलांचे नाव जटाशंकर दुबे हेच आहे.
तसेच जो फोटो या दाव्यासह शेअर करण्यात येत आहे की, सीएए, एनआरसी विरोधातील आंदोलनाचा आहे. या फोटोच्या मागे एक बॅनर आहे. यावरून हे स्पष्ट होत आहे.
निष्कर्ष
विनय दुबेच्या वडिलाचे नाव महमूद नाही तर जटाशंकर परामानंद दुबे आहे, असे ‘मटा फॅक्ट चेक‘च्या पडताळणीत स्पष्ट झाले आहे.
[ad_2]
Source link