Fact Check : Fact Check: करोना व्हायरस बाधितांचे मृतदेह समुद्रात फेकले जात आहेत? – old video from libya shared claiming bodies of coronoavirus patients are thrown into sea

समुद्र किनाऱ्यावर मृतदेह पडलेले दिसत असलेला एक व्हिडिओ व्हॉट्सअॅपवर शेअर केला जात आहे. करोना व्हायरसने मृत्यू झाल्यास ते मृतदेह समुद्रात फेकले जात असल्याचा दावा या व्हिडिओतून केला जात आहे. या व्हिडिओसोबत एक मजकूर सुद्धा दिला आहे. त्यात म्हटले की, समुद्रातील मासे खाऊ नका.

व्हिडिओसोबत जो मजकूर दिला आहे. तो पुढीलप्रमाणे, कोणीही समुद्रातील मासे खाऊ नका. कारण, करोना व्हायरसने मृत्यू झाल्यानंतर ते मृतदेह समुद्रात फेकले जात आहेत. त्या मृतदेहांना मासे खातील…आणि ते मासे तुम्ही खाल्ल्यानंतर काय होईल, याचा विचार केला आहे?

टाइम्स फॅक्ट चेकच्या एका वाचकाने या व्हिडिओ संबंधित खरी माहिती जाणून घेण्याची आम्हाला विनंती केली.

खरं काय आहे?


हा व्हिडिओ २०१४ चा आहे. व्हिडिओ लिबिया तटावरचा आहे. ज्या ठिकाणी १०० शरणागतींचे मृतदेह मिळाले होते. याचा करोना व्हायरसशी काहीही संबंध नाही.


कशी केली पडताळणी?

यूट्यूबवर काही कीवर्ड्स सर्च केल्यानंतर आम्हाला Euronew नावाच्या चॅनेलवर २६ ऑगस्ट २०१४ रोजी अपलोड केलेला एक व्हिडिओ मिळाला. या व्हिडिओचे शीर्षक ‘Dozens of migrant bodies are washed ashore in Libya’असे होते. व्हिडिओचे व्हिज्युअल्स आता व्हायरस होत असलेल्या व्हिडिओ सारखेच आहेत.

व्हिडिओ सोबत दिलेल्या माहितीनुसार, लिबियाई प्रशासनाने समुद्र किनाऱ्यावर १०० हून जास्त मृतदेह ताब्यात घेतले होते. शरणागतींचे जहाज उलटल्याने यात मृत्युमुखी पडलेल्या प्रवाशांचे हे मृतदेह आहेत.


निष्कर्ष

लिबियामधील जुना व्हिडिओ आता एका चुकीच्या दाव्याने शेअर केला जात आहे. करोना व्हायरसचा आणि शेअर होत असलेल्या व्हिडिओचा काहीही संबंध नाही, असे ‘मटा फॅक्ट चेक’च्या पडताळणीत स्पष्ट झाले आहे.