[ad_1]
करोनाचा वाढता प्रादुर्भाव रोखण्यासाठी सगळ्यांना घरीच राहण्याच्या सूचना देण्यात आल्या आहेत. त्यामुळे तरुणांना व्हिडीओ कॉलिंगचा मोठा आधार आहे. प्रत्यक्ष भेट होत नसली तरी डिजिटल भेटीगाठी होत आहेत. काही ग्रुप्सनी व्हिडीओ कॉलिंगच्या वेळा ठरवल्या असून त्या काळात गप्पा, वाचन, ग्रुपनं अभ्यास किंवा महत्त्वपूर्ण माहितीची देवाणघेवाण केली जाते. अनेक कॉर्पोरेट कंपन्यांच्या मीटिंग्सही व्हिडीओ कॉलिंगच्या माध्यमातून होत आहेत.
बापरे! स्मार्टफोनवर जिवंत राहू शकतो करोनाः स्टडी
शाळा-कॉलेजांना सुट्ट्या तर ऑफिसवाल्यांना वर्क फ्रॉम होमचे आदेश देण्यात आले आहेत. दररोज प्रत्यक्ष भेटीगाठी व्हायच्या त्या आता डिजिटली होतात. व्हिडीओ कॉलच्या मार्फत एकमेकांशी गप्पा मारण्याचं प्रमाण वाढलंय. ग्रुप व्हिडीओ कॉलद्वारे मित्र-मैत्रिणी गप्पा मारण्याचा आनंद लुटतात. एकमेकांशी डिजिटली नियमितपणे संवाद साधणं सुरु आहे. एवढंच नव्हे तर काही शिक्षक व्हिडीओ कॉलच्यामाध्यमातून विद्यार्थ्यांना धडे देतायत. तसंच ऑफिसच्या मीटिंग्ससुद्धा व्हिडीओ कॉलद्वारेच पार पडतायत.
मस्तच! जिओने ATM मधून सुरू केली रिचार्ज सेवा
व्हिडीओ कॉलची सेवा पुरवणाऱ्या अनेक कंपन्यांनी ग्रुप व्हिडीओ कॉलचा पर्याय दिल्यामुळे अधिक सोयीस्कर झालं आहे. एकाच वेळी अनेकांशी बोलता येतं. सध्याच्या गंभीर परिस्थितीत जवळच्या माणसांना प्रत्यक्ष भेटणं शक्य नसलं तरी व्हिडीओ कॉलच्यामार्फत त्यांना भेटू शकतो, त्यांच्याशी गप्पा मारू शकतो. म्हणून आता व्हिडीओ कॉलचा मोठ्या प्रमाणात वापर होतोय. त्याला मोठ्या प्रमाणात पसंती मिळतेय.
[ad_2]
Source link