[ad_1]
संचारबंदीमुळे सर्वजण घरीच असल्याने सोशल मीडियाचा वापर मोठ्या प्रमाणात वाढला आहे. फेसबुक, इन्स्टाग्रामवर तर अनेक नवनवीन ट्रेंड सुरू झाले आहेत. याबरोबरच संचारबंदीचे कारण असणाऱ्या करोना विषाणूबाबतही अनेक पोस्ट सध्या शेअर केल्या जात आहेत. यामध्ये काही तथ्य असणाऱ्या तर काही अपुऱ्या माहितीपोटी शेअर केल्या जाणाऱ्या पोस्ट्स आहेत. अशा पोस्ट्स नागरिकांमध्ये मोठा संभ्रम निर्माण करीत असल्याचे दिसून येत आहे.
मस्तच! जिओने ATM मधून सुरू केली रिचार्ज सेवा
सध्याच्या काळात स्मार्ट फोन, इंटरनेट यामुळे संवाद साधणे, माहिती पोहोचवणे अत्यंत सोपे झाले आहे. वाटेल तेव्हा, वाटेल त्या विषयीची माहिती मिळवता येत आहे. सध्या जगभरावर करोनाचे संकट असल्याने याविषयी अधिकाधिक जाणून घेण्यासाठी सर्वांमध्येच उत्सुकता दिसते. त्यामुळे साहजिकच उत्सुकतेपोटी सोशल मीडियाचा आधार घेतला जात आहे. वेगवेगळ्या देशांची, राज्याची, शहरांची परिस्थिती एका क्लिकवर मिळवता येत आहे. मात्र, याबरोबरच शेअर केली जात असलेली सर्वच माहिती ही सत्यतेवर आधारित नसल्याने अनेकांमध्ये संभ्रम निर्माण होत आहे.
बापरे! स्मार्टफोनवर जिवंत राहू शकतो करोनाः स्टडी
नुकतेच तीन दिवस पुणे बंद अशा आशयाच्या एका व्हिडीओने अनेकांच्या मनात घबराट निर्माण केली होती. हा व्हिडीओ फेक असल्याचे जाणकारांनी याच माध्यमावर स्पष्ट केल्याने ही घबराट दूर झाली. मात्र या घबराटीच्या काळात जीवनावश्यक वस्तूंच्या खरेदीसाठी नागरिकांची तारांबळ उडते आहे. असा संभ्रम निर्माण होऊ नये, यासाठी सत्यता पडताळण्याची गरज व्यक्त केली जात आहे.
करोनाची अफवा पसरवणे उपसरपंचाला महागात
अधिकृत पेजेस तपासा
करोनाच्या पार्श्वभूमीवर प्रशासन वेळोवेळी माहिती जनतेपर्यंत सोशल मीडियाच्या माध्यमातून पोहोचवते आहे. त्यासाठी मंत्र्यांची, पोलिस आदींची अधिकृत पेजेस कार्यरत आहेत. त्यामुळे इतर कोणत्याही पेजेस, व्यक्तींकडून शेअर केलेल्या माहितीपेक्षा अधिकृत माहितीवरच विश्वास ठेवा, असे आवाहन केले जात आहेत. तसेच आज एप्रिल फूलच्या पार्श्वभूमीवरही फेक पोस्ट्स केल्या जाऊ नये, यासाठीदेखील आवाहन करण्यात येत असून, खोटी माहिती पसरवणाऱ्यांवर कारवाई केली जाणार आहे.
[ad_2]
Source link