nokia 1.3 : Nokia 1.3 : नोकिया १.३ चे खास वैशिष्ट्ये लाँचआधीच लिक – nokia 1.3 specifications, colour options leak ahead of rumoured mwc launch

नवी दिल्लीः नोकिया १.३ (Nokia 1.3) मोबाइल वर्ल्ड काँग्रेस २०२० मध्ये लाँच करण्यात येणार असल्याचे संकेत मिळत आहेत. परंतु, त्याआधीच या फोनचे खास वैशिष्ट्ये इंटरनेटवर सार्वजनिक झाले आहेत. एका ताज्या रिपोर्टमधून ही माहिती मिळाली आहे. Nokia 1 Plus च्या या अपग्रेड फोनमध्ये ४००० एमएएच क्षमतेची बॅटरी देण्यात आली आहे. हा फोन दोन रंगात लाँच करणार असल्याचे सांगण्यात येत आहे.

नोकिया ब्रँडचे स्मार्टफोन बनवणारी कंपनी HMD Global २३ फेब्रुवारी रोजी बार्सिलोनामध्ये एक कार्यक्रम आयोजित करणार असल्याची माहिती आहे. NokiaPowerUser च्या एका नवीन रिपोर्टमध्ये दावा करण्यात आला आहे की, १.३ मध्ये ६ इंचाचा डिस्प्ले असणार आहे. याची डिझाईन गेल्या वर्षी डिसेंबरमध्ये लाँच करण्यात आलेल्या Nokia 2.3 फोनसारखी असणार आहे. म्हणजेच Nokia 1.3 फोनमध्ये वॉटरड्रॉप नॉच आणि खालच्या भागात स्लीम बॉर्डर असू शकतो. हा फोन अँड्रॉयड गो सॉफ्टवेअरवर चालणार आहे. या फोनमध्ये मीडियाटेक प्रोसेसर दिला जाणार आहे. १ जीबी रॅम आणि १६ जीबी स्टोरेजसह हा फोन असणार आहे. मायक्रोएसडी कार्डच्या साहायाने फोनमधील स्टोरेज १२८ जीबीपर्यंत वाढवता येऊ शकते.

Nokia 1.3 ची बॅटरी ही ४००० एमएएच क्षमतेची असणार आहे. या फोनमध्ये ८ मेगापिक्सलचा एकच कॅमेरा असणार आहे. सेल्फी आणि व्हिडिओ कॉलिंगसाठी ५ मेगापिक्सलचा फ्रंट कॅमेरा असणार आहे. हा सेटअप Nokia 1 Plus मध्ये दिसला होता. चारकोल आणि सेयान रंगात आणण्याचा कंपनीचा प्रयत्न असणार आहे. या फोनची किंमत ६ हजार २०० रुपये असणार आहे. तसेच MWC 2020 कार्यक्रमात Nokia 8.2 5G, Nokia 5.2 आणि अन्य एका नोकिया ओरिजनल सीरिज स्मार्टफोनची माहिती उघड करण्याची शक्यता आहे.

Redmi : शाओमीच्या नव्या रेडमी फोनचा टीझर पाहिला?

रियलमी C3 भारतात लाँच, किंमत ६,९९९ ₹

‘करोना’चा मोबाइल-कॉम्प्युटर आयातीला फटका

Flipkart Apple Days : ‘आयफोन’वर बंपर सूट