पुनर्रचित सेतू अभ्यास दुसरी – दिवस सत्तावीस | Bridge Course 2022-23

विषय – मराठी

सदर सेतू अभ्यास हा वरील विषयाचा असून खाली दिलेले प्रश्न आपल्या वहीत लिहून त्याची उत्तरे वहीत लिहावीत. व आजच्या दिवसाचा सेतू अभ्यास पूर्ण करावा. हा सेतू अभ्यास पूर्ण करताना आपल्याला काही अडचणी आल्यास आपण आपल्या वर्ग शिक्षक व पालकांची मदत घेऊ शकता.

जाणून घेऊ या

शिक्षक विद्यार्थ्याना चित्र दाखवतील. चित्रावर प्रश्न विचारून चर्चा करतील. तुमच्या शाळेत वृक्षारोपण हा उपक्रम कसा साजरा करतात त्याचे वर्णन करून घेतील लिहिलेल्या वर्णनाचे वाचन घेतात. उपक्रमाचे वर्णन करताना येणाऱ्या खालील मुद्यांवर चर्चा करतात. कोणता उपक्रम, कधी, कशासाठी, वर्षभर काळजी घेता का? उपक्रम ठरविताना कोण कशी मदत करते, उपक्रमाचा आपल्याला काय उपयोग.

+ सक्षम बनू या

शाळेत साजरे होणारे विविध राष्ट्रीय सण ( प्रजासत्ताक दिन, स्वातंत्र्य दिन ) कसे साजरे केले जातात त्या उपक्रमाचे वर्णन करून घेतील राष्ट्रीय सणाच्या आयोजनात कोणकोणत्या बाबींचा समावेश होतो, नियोजन कोण करते, ते कसे साजरे केले जातात यासाठी शिक्षक प्रश्न उत्तराद्वारे चर्चा घेतात व उपक्रमाचे वर्णन लिहून घेतात..

सराव करू या

शाळेत साजऱ्या होणाऱ्या बालिका दिन या उपक्रमात कोणकोणत्या बाबींचा समावेश होतो, कोणकोणत्या स्पर्धांचे आयोजन केले जाते, बालिका दिन का साजरा केला जातो याविषयी शिक्षक माहिती वजा चर्चा घेतील. प्रश्न विचारतील व शाळेत साजऱ्या होणाऱ्या बालिका दिन ह्या उपक्रमाचे वर्णन करण्यास सांगतील.

+ कल्पक होऊ या

आपण गावात होळी कशी साजरी करतो व शाळेत होळी कशी साजरी करतो या दोनही ठिकाणी साजऱ्या होणाऱ्या होळींमध्ये फरक असतो का? असल्यास त्याचे वर्णन करा.