[ad_1]
भगव्या रंगातील कपड्यात असलेल्या एका व्यक्तीने पोलिसाचा गणवेश असलेल्या व्यक्तीवर हल्ला केल्याचा दावा करीत एक व्हिडिओ मोठ्या प्रमाणात शेअर केला जात आहे. भारतात पोलिसांसोबत साधु असा व्यवहार करतात, असा दावा या व्हिडिओतून केला जात आहे.
व्हिडिओत कथित साधू पोलिसाच्या गणवेशात असलेल्या व्यक्तीचा गळा दाबत आहे. जोपर्यंत ती व्यक्ती बेशुद्ध होत नाही.
टाइम्स फॅक्ट चेकच्या एका वाचकाने आमच्या व्हॉट्सअॅप नंबरवर हा व्हिडिओ पाठवून या व्हिडिओची खरी माहिती जाणून घेण्याची विनंती केली.
खरं काय आहे?
व्हायरल व्हिडिओ Continental Wrestling Entertainment (CWE) च्या करण्यात आलेल्या मोठ्या ड्रामाचा एक भाग आहे. ज्यात अनेक अभिनेत्यांचा समावेश होता. व्हिडिओत दिसणारे दोन्हीही व्यक्ती पोलीस नाही किंवा साधूही नाही.
कशी केली पडताळणी?
गुगल क्रोम एक्सटेन्शन InVid चा वापर केल्यानंतर आम्ही या व्हिडिओला अनेक भागात विभागले. त्यानंतर गुगलवर रिव्हर्स इमेज सर्च केले.
यात आम्हाला CWE नावाचे एक यूट्यूब चॅनेल मिळाले. यात १८ मार्च २०१९ रोजी हा व्हिडिओ अपलोड करण्यात आला होता.
या व्हिडिओचे शीर्षक ‘CWE |Singham Dubey ji is jealous to see baba reading palm of Aunty’ असे होते. या व्हिडिओचे व्हिज्युअल्स आता व्हायरल होणाऱ्या व्हिडिओसारखे आहेत.
या व्हिडिओत २:४८ मिनिटावर तुम्हाला या व्हिडिओ सारखेच व्हिज्युअल्स पाहायला मिळतील. जे आता चुकीच्या दाव्यासह शेअर केले जात आहे.
यूट्यूब चॅनेलच्या बायोच्या माहितीनुसार, CWE भारतातील पहिली रेसलिंग इंटरटेनमेंट अकादमी आहे.
निष्कर्ष
एका नाटकातील छोट्या दृश्यांना चुकीच्या दाव्यासह शेअर केले जात आहे. साधूने पोलिसाला मारहाण केली नाही, असे ‘मटा फॅक्ट चेक’च्या पडताळणीत स्पष्ट झाले आहे.
[ad_2]
Source link