coronavirus : जयपूरः करोना रुग्णांच्या मदतीसाठी रोबोचा वापर – corona virus robot sona two point five helping corona patients in jaipur sms hospital as-on trial basis from medicines to food

जयपूरः देशभरातील करोना रुग्णांच्या मदतीसाठी डॉक्टर, नर्सेस रात्र दिवस सेवा करीत आहेत. देशात सध्या लॉकडाऊन सुरू आहे. तरीही देशात दररोज करोनाचे रुग्ण आढळत आहेत. आता पर्यंत करोनावर औषध सापडले नाही. त्यामुळे उपचार करताना डॉक्टर, परिचारिकांना मोठी अडचण येत आहे. डॉक्टर, नर्सेस हे करोना रुग्णांच्या संपर्कात आल्याने त्यांनाही करोनाची लागण झाल्याच्या काही घटना समोर आल्या आहेत. परंतु, करोनाच्या रुग्णांची मदत करण्यासाठी जयपुरात एका रोबोची मदत घेतली जात आहे.

करोना व्हायरसः WhatsApp ची मोठी घोषणा

जयपूरमधील एसएमएस हॉस्पिटलमध्ये करोनाचा पॉझिटिव्ह रुग्णांना असोलेशन वॉर्डमध्ये ठेवण्यात आले आहे. या रुग्णांच्या मदतीसाठी सोना नावाची रोबोट ठेवण्यात आली आहे. करोनाच्या रुग्णांना औषधे देण्याचे, खाण्या पिण्याच्या वस्तू देण्याचे, पाणी देण्याचे तसेच रुग्णांच्या चेहऱ्यावर हसू आणण्याचे काम सध्या सोना रोबोट करीत आहे. सोना २.५ एक रोबोट आहे. रुग्णांच्या मदतीसाठी ट्रायल बेसिसवर या रोबोचा वापर करण्यात येत आहे. एसएमएस कॉलेजचे वरीष्ठ डॉक्टर सुधीर यांनी या संदर्भात बोलताना सांगितले की, व्हायरस रोखण्याचा उद्देश हाच आहे की, लोकांनी संपर्कात येवू नये, त्यामुळे आम्ही या रोबोटच्या माध्यमातून आम्ही हे लक्ष्य पूर्ण करीत असल्याचे सुधीर यांनी म्हटले आहे.

करोना व्हायरसः फेक बातमी, फोटो, व्हिडिओ असं ओळखा

आधी दिवसभरात नर्सिंग स्टाफला कमीत कमी १० वेळा किंवा त्याहून अधिक वेळा रुग्णांना भेटण्यासाठीजावे लागत असायचे. परंतु, आता ५ फुट लांब असलेली सोना यासाठी तयार असते. सध्या हॉस्पिटलमध्ये आयसोलेशन वॉर्डमध्ये करोनाचे ९ रुग्ण आहेत. जर एखाद्या रुग्णाला औषधाची गरज भासते त्यावेळी नर्स स्टेशनवर फोन करतात. त्यावेळी आम्ही सोनाच्या माध्यमातून त्या वस्तू रुग्णांमार्फत पोहोचल्या जातात, असे डॉक्टर सुधीर यांनी म्हटले आहे.

Vivo Y50 स्मार्टफोन लाँच, पाहा किंमत-फीचर्स