Oppo A12e : ओप्पो A12e लाँचआधीच, कंपनीच्या वेबसाईटवर – oppo a12e gets listed online with key specifications ahead of official debut

नवी दिल्लीः ओप्पो (Oppo A12e) चा आगामी स्मार्टफोन लाँच होण्याआधीच कंपनीच्या वेबसाईटवर दिसला आहे. कंपनीच्या ए१२ई या फोनची माहिती वेबसाईटवर मिळाली. परंतु, आता कंपनीने वेबसाईटवरून या फोनची माहिती हटवली आहे. कंपनीकडून चुकून हे झाल्याची शक्यता आहे. परंतु, अजूनही कॅशेड व्हर्जन गुगलवर दिसत आहे. यावरून हा फोन ओप्पो ए३एचे अपग्रेडेड व्हर्जन असल्याची माहिती आहे.

जिओचे बेस्ट पाच डेटा व्हाऊचर्स, १०२ जीबीपर्यंत डेटा मिळणार

या फोनची माहीती Oppo Vietnam या वेबसाईटवर लाईव्ह करण्यात आली होती. कॅशेड व्हर्जनच्या यादीतून समजते की, Oppo A12e मध्ये ६.२ इंचाचा डिस्प्ले असणार आहे. १९: ९ आस्पेक्ट रेशियो असणार आहे. हा स्मार्टफोन दोन रंगात म्हणजेच पर्पल आणि रेड रंगात उपलब्ध असणार आहे. फोनच्या मागच्या बाजुला दोन कॅमेरे दिसते. फ्रंट पॅनेलवर मोठा नॉच आहे. त्यात AI 2.0 ब्युटी मोड आणि सेल्फी कॅमेरा दिला आहे. या फोनमध्ये १४ एनएम ऑक्टा-कोर स्नॅपड्रॅगन प्रोसेसरचा वापर करण्यात आला आहे. परंतु, प्रोसेसरचे नाव अद्याप उघड झाले नाही. या फोनमध्ये ४,२३० एमएएच क्षमतेची बॅटरी आहे. सलग १८ तास मोबाइल चालू शकतो, असा कंपनीचा दावा आहे.

युजर्संना झटका, नोकियाचे स्मार्टफोनही महाग

या फोनमध्ये फेस अनलॉक फीचर देण्यात आले आहे. तसेच खालच्या भागात ३.५ एमएम हेडफोन जॅक आणि यूएसबी टाईप सी पोर्ट असल्याची माहिती आहे. या फोनची किंमत अद्याप उघड करण्यात आली नाही.

व्हिडीओ कॉल करताय?, मग ‘ही’ काळजी घ्या