Fact Check : Fact Check: भारतात संपूर्णपणे ‘लॉकडाउन’ची व्हायरल ऑडिओ क्लिप खोटी – fact check: audio clip of conversation between two people claiming complete lockdown is fake

सोशल मीडियावरील प्लॅटफॉर्मवर आणि व्हॉट्सअॅपवर एक ८ मिनिट आणि ३४ सेकंदाची ऑडिओ क्लि शेअर केली जात आहे. ज्यात दोन व्यक्ती चर्चा करीत आहेत. यातील एक करोना व्हायरसमुळे देश पूर्णपणे बंद करण्यात आल्याचा दावा करीत आहे.

या ऑडिओ क्लिपमध्ये स्वतः WHO, इंडिया डायरेक्टर सौरभ’चा मित्र सांगणारा हा व्यक्ती हा दावा करीत आहे. सौरभ म्हणतोय, देशात १५ एप्रिल ते १५ जून २०२० पर्यंत देशभरात पूर्णपणे लॉकडाउन करण्यात येणार आहे. कारण WHO च्या माहितीनुसार, भारतात करोना व्हायरसची परिस्थिती खूप गंभीर आहे.

या ऑडिओ क्लिपमध्ये करण्यात आलेला दावा खरा मानला जात असून अनेक जण व्हॉट्सअॅप युजर्स याला मोठ्या प्रमाणात शेअर करीत आहेत.

टाइम्स फॅक्ट चेकच्या एका वाचकाने आमचा व्हॉट्सअॅप नंबरवर ही ऑडिओ क्लिप पाठवून या लॉकडाउनची खरी माहिती जाणून घेण्याची विनंती केली.

खरं काय आहे?

प्रेस इन्फॉर्मेशन ब्यूरो (पीआयबी) फॅक्ट चेकने एक ट्विटच्या माध्यमातून या ऑ़डिओ क्लिपला खोटी आणि असामाजिक असल्याचे म्हटले आहे.

पीआयबी फॅक्ट चेक च्या माहितीनुसार, दोन व्यक्तीची लॉकडाउनवर झालेली चर्चा खोटी आहे. खोटी माहितीचा ऑडिओ व्हॉट्सअॅपवर शेअर करण्यात येत आहे.

तसेच टाइम्स फॅक्ट चेकने World Health Organization ची वेबसाइट शोधली. भारताचे डायरेक्टर सौरभ यांच्या बाबतीत काहीच माहिती मिळाली नाही. परंतु, आम्हाला सौरभ नावाचा कोणताही व्यक्ती मिळाला नाही.

तसेच, प्रसार भारतीनेही आपल्या अधिकृत हँडलवरून या ऑडिओ क्लिपला डब्ल्यूएचओ शी चर्चा करताना हा दावा खोटा असल्याचे म्हटले आहे. प्रसार भारतीने म्हटले की, भारतात या प्रकारचे असे कोणतेही पद नाही. ज्याचे नाव या ऑडिओ क्लिपमध्ये करण्यात आला आहे.

Fact Check : करोना व्हायरस संशयितांची चीनमध्ये धरपकड केली जातेय?, हा व्हिडिओ हाँगकाँगमधील आहे

fake alert: करोनामुळे देशातील ४ राज्यात सुट्टी जाहीर?