[ad_1]
vihang.ghate@timesgroup.com
सध्याच्या ‘करोना’च्या पार्श्वभूमीवर ‘वर्क फ्रॉम होम’ आणि लॉकडाउनच्या परिस्थितीत उपयुक्त असे ‘फेस टच अॅप‘ तयार करण्यात पुण्याच्या प्रसाद सेठ या सॉफ्टवेअर इंजिनीअर तरुणाला यश आले आहे.
सध्याची परिस्थिती पाहता आपण अधिकाधिक वेळ कम्प्युटर, लॅपटॉपवर काम करत आहोत. काम करताना अनेकदा नकळपणे चेहऱ्याला हात लागतो. मात्र, जागतिक आरोग्य संघटना (डब्ल्यूएचओ) आणि सेंटर फॉर डिसीज कंट्रोल अँड प्रीव्हेंशनने (सीडीसी) सांगितल्याप्रमाणे वारंवार चेहऱ्याला हात लावल्यास ‘करोना’चा संसर्ग वाढण्याची शक्यता आहे.
वाचाः
‘करोना’ला रोखण्यासाठी भारतीय वैज्ञानिकांचे ‘ब्रह्मास्त्र’ तयार
काम करताना चेहऱ्याला हात लागला किंवा जवळ नेला, तर ‘फेस टच अलर्ट अॅप’ नो…नो…नो…नो…असा आवाज काढून आपल्याला सचेत करण्याचा प्रयत्न करते. चेहऱ्याव्यतिरिक्त इतर अवयवांना हात लागल्यास हे अॅप कोणतीही सूचना देत नाही. यूझरनं किती वेळा चेहऱ्याला हात लावला, त्याची वेळ आणि संख्याही हे अॅप कळवते. आपलं दैनंदिन काम करताना हे वेब अॅप आपण ‘विंडो’मध्ये सुरू ठेवून बाकीची कामं लॅपटॉप किंवा डेस्कटॉपवर सहज करू शकतो. हे अॅप https://facetouchalert.netlify.com/ या लिंकवर उपलब्ध असून, त्याचा वापर स्मार्टफोन, डेस्कटॉप आणि लॅपटॉपवरही करणे शक्य असल्याचे प्रसादने स्पष्ट केले. हे अॅप डेस्कटॉपवर एकदा ‘ओपन’ करून ठेवल्यास नंतर ते ‘मिनिमाइज’ करून अन्य कामे करता येणे शक्य असल्याचेही प्रसादने स्पष्ट केले. मात्र, त्यासाठी लॅपटॉप किंवा डेस्कटॉपवर वेबकॅमचा अॅक्सेस देणं आवश्यक आहे.
वाचाः
सर्वात स्वस्त iPhone १५ एप्रिलला लाँच होणार
प्रसादनं या आधीही अशाच गरजोपयोगी अॅपची निर्मिती केली आहे. डॉक्टर, ऑटिस्टिक मुले, ज्येष्ठ नागरिक आणि सर्वसामान्यांना उपयुक्त हेल्थ स्कॅन या अॅपचा त्यात समावेश होतो. ईझी टेक्स्ट टू स्पीच या अॅपची निर्मिती मूकबधीर मंडळींसाठी केली आहे. आतापर्यंत २७ हजारांपेक्षाही अधिक लोकांनी हे अॅप डाउनलोड केले आहे. ‘माझ्या शिक्षणाचा उपयोग समाजाच्या भल्यासाठी व्हावा या दृष्टिकोनातून अॅपची निर्मिती करत आहे, ‘ असे प्रसादने ‘मटा’ला सांगितलं. या वेब अॅपच्या निर्मितीसाठी दोन दिवस लागल्याचंही त्यानं सांगितलं.
[ad_2]
Source link